Tataningai nanon Auti ni Maeka n Tain te Maitoro

Imwiin are e tiringaki Burabeti Iotebwa Timiti i, Nauvoo, Illinois, e riki bwa te tabo ae kakamaku. Aomata Aika Itiaki a birinako man mwengaia ni kakaea te tabo ae e aki kakamaku. I nanon Beberuare 1846, te moan kurubu n aomata Aika Itiaki a moana mwanangaia nako maeao, ma kanoan bong aika buakaka ao aoraki a kawaeremweia. Man te tai are a tia n toua Iowa, e a bon n rangi ni waeremwe n te ririki ni mwananga riaon te Rocky Mountains imwain te winta. Ai ngaia are taan kairiri n te Ekaretia a rinea te tabo are aomata Aika Itiaki a kona n tiku iai ibukin te maitoro. A aranna bwa te Kuata n te Winta (Auti ni Maeka n tain te Maitoro).

Tabeman aomata a katei mwenga man kaai ke man aontano ake iai te uteute iai. Tabeman a maeka i nanon tente ao bwanganimatang. A kataia Aomata Aika Itiaki ni kakukureia n tain te maitoro ae maan man maitoro. A ibuobuoki i marenaia. A nakon kaotioti ao n anene ao n taenti. A katea te bwai are e karaoa te burawa, te mwaneaba ibukin te taun, ao te tabo ni karao bwatiketi.

Te tai are a kabanea aomata Aika Itiaki i nanon taian Kuata n te Winta e bon matoatoa. A bati aika mate. Ma taian bwaeonia iai aia onimaki bwa te Uea e na kakabwaiaia ao ni buokia ni karokoia i Tion. Ngke e a roko tain aroka ni beberake baia, te moan kurubu ni bwaeonia a kitana aia Kuata ni Winta ni mwananga nakon te Salt Lake Valley.

N te bong aio ko kona n nora te Winter Quarters Nebraska Tembora ao ni kawara te Mormon Trail Center i nanon Kuata n te Winta n reiakina riki taekaia bwaeonia.