Tomur e Oloboch Rom—Ni boed e Tinem Nib Gaa’

Peter ir e bee’ nib mangil ulan fare Bin Kakrom e Mʼag. Bay e mich nge athamgil rok’ ni ke yaen nga buut udakaen e rran nga Yesus, machane chuchugur ko tomuren binem nike yib e rus ngak’ nge ligil, me yor ngak fare Somoel nifan e ayuw (muguy ko Matthew 14:28–31). Dabda nanged urngin e pi’nen nifan e yafos rok’ Peter, gadad manang ta’areb e yang ko yafos napan nike yor nib almarin.

Kemus boch e pi hour umon Yesus feken nga kalbus, nike prophsey nag ni Peter ra yoeg ni deriyul’ ko Kristus dalip yay umon chochol e nimen l’agruw yay. De mich u wun’nug Peter ko prophecy nem nge "Mus ni fa’anra nggu un ngom ko yam’, ma ri dab gog nda gu nangem!” (Mark 14:31).

Ba riyul’, fare prophecy rok’ Tathapeg nike buch. Ufithik’ e rus nge tamra’ bachane fare Tathapeg ke yaen nga kalbus, chagnag ko Peter nike chuw. Tomur ni bay mog nda mu nangen e Tathapeg l’agruw yay, nge reb e bee’ ni ke fith ngak’ bin dalip yay, Peter "ni nge gechig nigeg ni fa’anra dagur weliy e tin riyul’! Ya da gu nang e cha’ ni be’er ni gimed be yog murung’agen!” (Mark 14:71).

Kachingiyal’ nem me chochol ba nimen l’agruw e yay me yib ngan’ Peter e n’en ni yog Jesus, “i … yor ni kari kireban’” (Matthew 26:75).

Binem ir gathi tomur ko chepin rok’!

Utifhik’ e pi babyor nib thothup rayog ni ngad fil’ed, e rus rok’ Peter dabi gelnag e mich rok’ mornga’agen Yesus Kristus bayay. Ke yoeg e micheg rok’ mornga’agen e Tathapeg bo’or yay, ni dariy’fan mornga’agen e pi’nen nike buch ngak’. Ma tay u wun’med, Peter ni ke machib nag ngak’ e pi’in ni kar kruthnag Yesus Kristus! Bay rib gel e gafgow nib riyul’.

Napan Peter nike golnag e be’ nib mo’on nni gargeleg ma bmugutgut, nike moeg "gu be yog ngom u fithingan Jesus Kristus nu Nazareth ni ngam sak’iy ngamman!" (Acts 3:6), Ir nge John nikar kalbus nagew nge fek boch e duwer mornga’agen e rogon ni ke rrin’ e ma’ang’ang nem.

Ufithik’ e athamgil Peter nike fulweg ni, "me ere susun e gimed gubin ni go’ ngam nanged, nge urngin e girdi’ nu Israel nsusun e ngar nanged, nre mo’on ni ba’aray nib sak’iy u roy u p’eowchemed e kari gol ni gelngin fithingan Jesus Kristus nu Nazareth e ir e ke golnag — ni ir fa’anem ni mu kuruth niged nge mu’ me faseg Got ko yam’.

I Jesus fa’anem ni fa’ani be weliy e babyor nib thothup murung’agen ni be ga’ar,‘Fare malang ndariyfan u wun’med e pi’in gimed be toy e naune yan i aw ni aram e re malang ni ir e ba th’abi ga’ fan.’ Kemus ni Jesus e rayag rok ni nge thapeg e girdi’ ngak Got; ya dakuriy yugu reb e ngachal ngabang u roy u fayleng ni pi’ Got ngak e girdi’, ni ir e rayag rok ni nge thapegdad ngak Got.” (Acts 4:10–12).

Me rib fel e fulweg nem! Me dag ngodad e mich rk’ nib gaa.

Gadad gubin me denen gad ulan e yafos ney. Dariy’fan e rayog rodad nib th’abi gaa’, gadad ra kirebnag e athap nga ba’adag rodad bochingyal’. Woed President Jeffrey R. Holland (1940–2025), President nifan fare Ulung ko fare Ragag nge L’agruw i Apostles , nike fil, “Gubin reb e yay me yigo napan nike pinning Fak nib M’on nib machalbog, Got nima pinning e gidii’ ni de machalbog ngak e wuruwel’.”

Puluwan’ ko ya’el romed de yib fa me achigchig nag bachane e oloboch romed—ni boed e tinem nib gaa’! Bachane nike kalngaen’ nge Kristus nike n’agfan ngak’, ngiyal’ Peter nike mog nda nangen Kristus dabi tal’eg nigen ni nge pii’ e mich rok’, machib nag, nge thilyeg udakaen nib gaa’ e gelngin. Fapi chepen nib thothup niba sug ko reb e pi susun mornga’agen e pi’in ni kar denen gad, kalngaen’raed, nge me yul’yul’ nibay e mich u wun’uy Kristus

Satan nima guy rogon ni nge chub u wun’daed e oloboch rodad nima uneg boch ngay ko boch medabiyog ni ngam gelnag raed. Dam motoyil e pi baen rok’!

Walagen Tamara W. Runia, Bin Somm’on e Counselor ulan fare Young Women General Presidency, nike fil: “Thingarda rung’aned biney, ere gub yoeg e thin ney nib gaa’ lamag: gur gathi e lam ulan e tafney romed fa pi oloboch ni kam rrin’ed. Sana thingari yoeg biney nib gaa’ lam romed. Mu yoeg ngak Satan, ’Gathi daba’.’ Mu tayed Ir nga tomur nigem.

“Gara thamey e gelngin ney, fare kirbaen’ riy nib gaa’ nima chel nigem nga Tathapeg romed, nge guyed e murnguy Rok’ nira ying e yafos rom nge yafos roraed e pi’in ni ngam ba’adag. Gub micheg ngomed napan ni ngam fek e mʼingaenʼ make kalngaenʼ ngak Ir, nima bay rom."

Biney e ngiyal’ ko Easter, napan ni ngam lemnag mornga’agen e Bayul rok’ fare Tathapeg, ma bay u wun’med e rogon rayog ni ngam kalngaen’ nge rrin’ed bayay ir e tawa’ath nib th’abi gaa’ ni ngam thapeged. Bachane ko Yesus Kristus, rayog ni ngam thapeg e n’agfan nifan e oloboch rom’ nib rib kireb me chuweg binem ni woed e chen nib tomal.

“Tamilang rok’ Tathapeg ir th’abi gaa’ ko fare lumor rok’ e tin ko tamra’,” nike fil Walagen Runia.

Bachane ko Yesus Kristus, me yib nib gaa’ e athap napan ni ngam tafeny romed Ngak’.