შენ მიერ დაშვებული შეცდომების შემდეგ - დიდი შეცდომების შემდეგაც კი

პეტრე მოციქული ახალი აღთქმის საოცარი პიროვნება იყო. მას ჰქონდა რწმენა და გამბედაობა, ქრისტესკენ წყალზე გაევლო, მაგრამ მოგვიანებით რაღაც მომენტში იგი შიშიმა შეიპყრო და მან ჩაძირვა დაიწყო და უფალს დახმარებისთვის შეჰღაღადა (იხ. მათე 14:28-31). ჩვენ პეტრე მოციქულის ცხოვრებიდან ყველა დეტალი არ ვიცით, მაგრამ ჩვენთვის ცნობილია, რომ ის ერთხელ მწარედ ტიროდა.

ქრისტემ, დაპატიმრებამდე სულ რამდენიმე საათით ადრე, იწინასწარმეტყველა, რომ პეტრე მას სამჯერ უარყოფდა, სანამ მამალი ორჯერ დაიყივლებდა. პეტრე მოციქული არ იჯერებდა ამას და მეტი თავგამოდებით ეუბნებოდა: „თუნდაც რომ მოვკვდე შენთან ერთად, არ უარგყოფო“ (მარკოზი 14:31.

რა თქმა უნდა, მხსნელის წინასწარმეტყველება აღსრულდა. მხსნელის დაპატიმრებასთან დაკავშირებული შიშის გამო, პეტრეს გამბედაობამ უმტყუნა. მას შემდეგ, რაც პეტრე მოციქულმა უკვე ორჯერ უარყო, რომ მხსნელს იცნობდა და მესამედ ეკითხებოდნენ, „დაიწყო მან თავის წყევლა და ფიცილი: არ ვიცნობ იმ კაცს, ვისზეც მელაპარაკებითო“ (მარკოზი 14:71).

მამალმა ორჯერ რომ დაიყივლა, პეტრე მოციქულს მხსნელის წინასწარმეტყველება გაახსენდა და „მწარედ ატირდა“ (მათე 26:75).

მაგრამ ეს ამ ამბის დასასრული არ არის!

როგორც წმინდა წერილიდან ვიგებთ, მას შემდეგ პეტრე მოციქულს აღარასოდეს შეშინებია იესო ქრისტეს შესახებ დამოწმება. ის ყოველ შესაძლებლობას იყენებდა იმისთვის, რომ ღიად დაემოწმებინა მხსნელის შესახებ, მაშინაც კი, როცა ეს მისთვის პირად საშიშროებას წარმოადგენდა. ნუ გავიწყდებათ, რომ პეტრე მოციქული ასწავლიდა ადამიანებს, რომლებმაც არცთუ ისე დიდი ხნის წინ ქრისტე ჯვარს აცვეს! რეალურად არსებობდა საშიშროება.

როდესაც პეტრე მოციქულმა დაბადებიდან კოჭლი განკურნა, უბრძანა რა მას: „იესო ქრისტე ნაზარეველის სახელით, გაიარე!“ (საქმეები 3:6, ის იოანესთან ერთად დააპატიმრეს და დაკითხვა მოუწყეს - როგორ მოახდინა ეს სასწაული.

პეტრე მოციქულმა თამამად უპასუხა: „ცხადი იყოს ყველა თქვენგანისა და მთელი ისრაელის ხალხისათვის, რომ იგი თქვენს წინაშე ჯანმრთელი დგას იესო ქრისტე ნაზარეველის სახელით, რომელიც თქვენ ჯვარს აცვით და რომელიც ღმერთმა აღადგინა მკვდრეთით.

„ეს არის ქვა, რომელიც უკუაგდეთ თქვენ, მაშენებლებმა, და რომელიც ქვაკუთხედად იქცა. სხვაში არავისში არ არსებობს ხსნა, არც არის ცის ქვეშ ხალხისათვის მიცემული სხვა სახელი, რომლითაც გადავრჩებით“ (საქმეები 4:10-12).

რაოდენ გაბედული პასუხია! და მისი რწმენის ნათელი დასტური.

ამ ცხოვრებაში ყველანი შევცოდავთ. როგორც არ უნდა ვეცადოთ, ჩვენ დროდადრო შეიძლება ვერ შევძლოთ ჩვენი იმედებისა და განზრახვების რეალიზება. როგორც ერთხელ თორმეტ მოციქულთა ქვორუმის პრეზიდენტმა, ჯეფრი რ. ჰოლანდმა (1940-2025) გვასწავლა, „ერთადერთი სრულყოფილი ძის გარდა, ღმერთს მხოლოდ არასრულყოფილ ადამიანებთან უწევდა მუშაობა.“

შენი სულიერი ღირებულება არ განისაზღვრება და არ იზღუდება შენი შეცდომებით - თუნდაც დიდი შეცდომებით! იმის გამო, რომ პეტრე მოციქულმა მოინანია და ქრისტემ მიუტევა, ამ უარყოფამ არ შეუშალა პეტრე მოციქულს ხელი, მოგვიანებით ძლიერად დაემოწმებინა, ესწავლებინა და ადამიანები რწმენაზე მოექცია. წმინდა წერილში უამრავი მაგალითია სხვა მოწაფეებისა, რომლებიც სცოდავდნენ, ინანიებდნენ და ქრისტეში რწმენით აგრძელებდნენ.

სატანა ყოველთვის ეცდება დაგაჯეროთ, რომ შენი შეცდომები ერთმანეთს ემატება და რომ ვერასოდეს შეძლებ მათ გამოსწორებას. არ მიაქციო ყურადღება მის ტყუილებს!

ახალგაზრდა ქალების გენერალური პრეზიდენტობის პირველი მრჩეველი, და თამარა ვ. რუნია, გვასწავლიდა: „საჭიროა ეს სიტყვები გაიგონოთ, ამიტომ მე ხმამაღლა ვიტყვი: თქვენ არ ხართ ის ხმა, რომელიც გონებაში გესმით და თქვენ არ ხართ შეცდომები, რომლებსაც უშვებთ. შესაძლოა, ესეც ხმამაღლა უნდა თქვათ. უთხარით სატანას: „დღეს არა“. უკან ჩამოიტოვეთ იგი.

„იგრძენით ის მიზიდულობა, ღვთიური სინანული, რომელიც მხსნელისკენ მოგაბრუნებთ და ნახავთ, როგორ შემოდის თქვენსა და თქვენი საყვარელი ადამიანების ცხოვრებაში მისი მადლი. მე გპირდებით: რა წუთსაც გაბედულად მიმართავთ მისკენ მოდრეკილ გულს, ის უმალვე გაჩნდება ჩვენთან".

აღდგომის ამ პერიოდში, როცა უფრო ფუნდამენტურად ფიქრობთ მხსნელის გამოსყიდვის შესახებ, გახსოვდეთ, რომ მონანიება და თავიდან დაწყება არის ერთ-ერთი ყველაზე დიდი ძღვენი, რომლის მიღებაც შეგიძლიათ. იესო ქრისტეს წყალობით, თქვენი ყველაზე დიდი შეცდომებიც კი მოგეტევებათ და მძიმე ჯაჭვებივით ჩამოგცვივდებათ.

„მხსნელის სიკაშკაშე მუდამ სირცხვილის სიბნელეზე მეტია" - გვასწავლა და რუნიამ.

იესო ქრისტეს გამო, იმედი შეიძლება ყოველთვის უფრო კაშკაშად ანათებდეს, როდესაც თქვენ უფალს მიაპყრობთ მზერას.