Wo Mfomdo Ekyir no—Akɛse no Mpo

Nna Ɔsomafo Peter yɛ obi a no ho yɛ enyikã wɔ Ahyɛmu Fofor no mu Onyaa gyedzi na akokodur a ɔdze nantseew nsu do kɔr Jesus nkyɛn, naaso mber kakraabi ekyir no ɔmaa no suro dzii no do konyim na ɔhyɛɛ ase dɛ ɔrodɔ, osui frɛɛ Ewuradze dze gyee mboa. (hwɛ Matthew 14:28–31). Ber a yennyim Peter n’asetsena mu nsɛm nyina no, yenyim ber kor a osuu wenwennwen.

Aka dɔnhwer kakra ma wɔakyer Jesus Christ no, ɔhyɛɛ nkɔm dɛ ansaana akokɔ bɔbɔn mprɛnu no Peter bɛpa no mprɛnsa. Peter ammpɛ dɛ ɔgye nkɔnhyɛ a ɔtse dɛm no dzi na “ɔkãa no enyiberdo dɛ, sɛ menye wo bowu mpo a, meremmpa wo da” (Mark 14:31).

Nokwar, Agyenkwa no nkɔnhyɛ no baa mu nokwar ara. Ɔnam hu na suro a ɔwɔ Agyenkwa no ne nkyee ho ntsi, Peter n’akokodur no dzii nkogu wɔ no mu. Peter paa Agyenkwa no mprɛnu ekyir no, na wɔhyɛɛ no mpɛn a otsĩa ebiasa no, Peter “hyɛɛ ase dzii nsɛw na ɔkekãa ntam, dɛ, minnyim nyimpa yi a hom reka no ho asɛm yi” (Mark 14:71).

Akokɔ no bɔnee mpɛn ebien na Peter Kãa Agyenkwa no nkɔnhyɛ no, “oko … sũ u pii” (Matthew 26:75).

Nanso ɔnnyɛ n’asɛm no n’ewiei nye no!

Adze biara a yebotum esũa wɔ kyerɛwsɛm no mu no, Peter no suro no enndzi konyim wɔ ne dasedzi fa Jesus Christ ho do bio. Ɔdze akokodur dzii Agyenkwa no ho dase wɔ kwan biara a obenya mu, ɔmmfa ankorankor nsunsuando a ɔwɔ dɛm ho. Kae, nna Peter rekyerɛkyerɛ nkorɔfo bi a nna ɔnnkyeree wɔabɔ Jesus Christ mbeamudua mu! Nna esian no wɔ hɔ ankasa.

Ber a Peter saa ɔbarima a ɔyɛ obubuafo fi n’awoo mu yarba no, ɔhyɛɛ no dɛ, ”Nazarethnyi Jesus Christ ne dzin mu nantsew (Acts 3:6), wɔkyeer no kãa John ho na wobisa no mbrɛ ɔyɛɛ dɛm anwanwadze yi.

Peter dze akokodur yii ano, “Hom nyina nye Israelman nyina nhu dɛ Nazarethnyi Jesus Christ a hom bɔɔ no mbeamudua mu a Nyankopɔn nyaan no fi ewufo mu no, ne dzin mu a; no mu na oyi no ho asan gyina hom enyim ha yi.

“Ɔno nye ɔbo a hom adantofo emmbu no bi, na wɔayɛ no kutuwdo-bo. Na nkwagye nnyi obiara so mu: Eso dzin fofor biara nnyi wi yi ase a wɔdze ama wɔ nyimpa mu a otwar dɛ wɔgye hɛn nkwa wɔ mu” (Acts 4:10–12).

Mbuae a akokodur wɔ mu nye yi! Dase pefee fa ne gyedzi ho.

Hɛn mu kor biara bɛyɛ bɔn wɔ abrabɔ yi mu. Hɛn mbɔdzembɔ papaapa ekyir no mpo, ofi ber to ber no yɛtɔ sin wɔ hɛn enyidado na hɛn adwenpɔw horow ho. Dɛ mbrɛ President Jeffrey R. Holland (1940–2025), Asomafo Duebien no hɔn Quorum ne President, kyerɛkyerɛe mber bi no, “Except in the case of His only perfect Begotten Son, imperfect people are all God has ever had to work with.”

Wo mfomdo—akɛse no mpo, nnkyerɛ anaa ɔnntsew wo bo a esom wɔ sunsum mu do! Ɔnam dɛ onuu no ho na Christ dze kyɛɛ no no ntsi, Peter ne pa a ɔpaa Christ no ennsiw no kwan dɛ ekyir no ɔgye dase, yɛ nkyerɛkyerɛ, na ɔsakeyer binom a ɔdze tum kɛse. Mfatoho horow fa esuafo binom ho a wɔyɛɛ bɔn, wonuu hɔn ho, na wɔdze gyedzi wɔ Christ mu kɔr kan no ahyɛ kyerɛwsɛm no mu mã.

Dabaa Abɔnsam bɔbɔ mbɔdzen etu egu w’asowa mu dɛ wo mfom horow no rekeka bɔ mu yɛ kɛse na dɛ irunntum nndzi do da. Mma nntsie n’akɔhwisɛm!

Sister Tamara W. Runia, Ɔpamfo a Odzi Kan wɔ Wiadze Mfɛndzanan Young Women Presidency mu kyerɛkyerɛɛ dɛ: “Ohia dɛ etse iyi, ntsi mebɛma me ndze do akã nsɛm yi: Nnyɛ ɔwo nye ndze no a ɔwɔ wo tsir mu no anaadɛ mfomdo a ayɛ no. Bia obehia dɛ ɔwo so bɔbɔ mu akã dɛm. Kã kyerɛ Abɔnsam dɛ, ’Nnyɛ ndɛ.’ Ma onfi wo do.

“Tse dɛm nkã a ɔtwe wo no, Nyankopɔn kwan do awerɛhow a ɔdan wo kyerɛ Agyenkwa no do no, na hwɛ N’adom a ɔhɛn w’abrabɔ mu na w’adɔfo so hɔn abrabɔ mu. Mobɔ anohoba dɛ mber noara a akokodur mu ara yɛdze akoma a abobɔ ba Ne nkyɛn no, Ɔwɔ hɔ ntsɛmpanara.”

Easter ber yi, ber a edwendwen Agyenkwa no no werdambɔ ho yie no, kaa dɛ kwan a ɔwɔ hɔ dɛ ibotum enu woho na abɔ mbɔdzen bio no yɛ akyɛdze akɛse koraa a ibotum enya da no no mu kor. Ɔnam Jesus Christ ntsi, wo mfomdo a omuo korakoraa no wobotum dze akyɛ wo na woeyi efi hɔ tse dɛ nkɔnsɔnkɔnsɔn a ɔyɛ dur.

“Agyenkwa no hyerɛn kyɛn enyito no sum no afebɔɔ,” Sister Runia akyerɛkyerɛ.

Ɔnam Jesus Christ ntsi enyidado botum ahyerɛn wɔ kan daadaa ber a edze w’enyi tsim No do.