Mulwol ni Fan ko Gelngin e Pi’in ni Fal’yangren ko, March 2026
Exodus 12
Birodad e Paluk’af—fare Sakrament
Peth rogon fare Paluk’af ni kakrom ko rogon e sakrament ni gadad ma fek ni gubin e wik.
Pi sasing yib rok’ Alyssa Tallent
Um’on ninge chuw fapi Isrealite utan pa’ yu Egypt, nifith ngorad ni ngar fol gad ko bogi ban’en nikeyog Somoel ni ngayog ni napon ni bayi yib fare angel ni ngabi gathay e yafos, ma bayi thumur u fithikrad (muguy ko Exodus 12). Tomuren nra chuwgad, ma fapi Israelite e yadma madnom ni gubin e duw, ni kanog e Paluk’uf ngay, ni nga i pogoran ngorad rogon ni ayuweg Somoel e gidii’ rok nikar fal’aged e michmicheg ngak.
Napon e bin ntomur e wik ko yafos rok, ma imoey Yesus Kristus ko ba abich ko Paluk’af. Chiney e gadadma yoeg fithinga e biney e abich ni fare bin Ntomur e Abich nitay Yesus. Ko roffen ney me yoeg fare Tathapeg mornga’agen e gam’ing ko sakrament, ni’ir e gadadma un ngay ko gubin e wik. (Muguy ko Matthew 26:26–28; Luke 22:19–20; Doctrine and Covenants 20:77, 79.)
Ba’aray l’agruw ban’en nib peth rogon ko fare bin som’on e Paluk’af, fare bin Ntomur e Abich nitay Somoel, nge sakrament e doba’ nrayog ninge pugoran ngodad rogon e ayuw nibeyib udakean fare Tathapeg.
Fare Flowa
Paluk’af: medlup e ran, ni fapi Israelite ni urked e flowa ni dan lith (nib papay i fal’eg rogon ma ba momaw’ ninge mogoth).
Bin Ntomur e Abich: Yesus Kristus e yibliy me ta’r fare flowa ndan lith ko fare Paluk’af, me pi’ ngak fapi gachalpen. Meyog ngorad ningar ked me paru wun’rad ni ireram e dogur rok, ni’ir e manang ni bayi kireb mara yim’ ma fos biyay.
Sakrament: Gadadma kay fare flowa ninge pugorran ngodad e dogur rok Yesus Kristus.
Yesus Kristus e ir e Flowa ko Yafos. U dakean fare foskoyam’ Rok’ nitay, a gadadra foskoyam’ mara polo’, mara fel’ e dogur rodad, ma dariy bi’id mara kireb. Ke chuwegdad u fithik e yam’.
Fare Racha’ ko fare Saf
Paluk’af: Fare saf ko Paluk’af e rebe saf nrib fel’ downgin, ma ta’arebe duw rok ma ba pumo’on. Nikan li’, makan kunuy racha’en ngalan e bowl. Hyssop (mite falay) e yima chultheg ngalan fare bowl ningan achay ra’en e racha’ riy nge wuru’ langan e mab. Biney e pow nibay u wuru’ langan e mab ebe yipfan fapi gidii’ nike ngongliy e michmicheg ngak Somoel ya napon e bayi yib fare angel ni ngabi fek e pogofan ma dabi yib nga fithikrad nibochane ningayog ni ngan chuwegrad u Egypt.
Bin Ntomur e Abich: Yesus Kristus e fek e wine ninge pugoran e racha’ rok’. Meyog ngak fapi gachalepn ningar ‘unmed me pugoran ngorad e racha’ rok, ni’ir e bayni poe’og nibochane fan ko pi denen rodad ni’ir e kabang ko fare bin be’ech e m’ag.
Sakrament: Gadadma n’um e ran ninge pugoran ngodad e racha’ rok Yesus Kristus.
Yesus Kristus e ir fare Saf nifak Got. Ni poe’og e racha’ rok’ me gafgow nibochane pi denen nge pi m’ar rodad. Racha rok—maligach rok—e be be’ech nagdad. Ke chuwegdad u fithik e denen.
© 2026 ko Intellectual Reserve, Inc. Gubin nibay mat’won. Kan Yoeloey u Mariken. Mat’won ko thin nu Ngalis: 6/19. Mat’won ningan pilyeg: 6/19. Pilyegthin ko Mulwol ni Fan ko Gelngin e Pi’in ni Fal’yangren ko, March 2026. Yapese. 19936 905