UMyalezo weNyanga Okwenzelwe uKomeleza uLutsha, EyoKwindla 2026
Eksodus 12
IPasika Yethu—uMthendeleko
Kukho umsonto ofanayo phakathi kwePasika yamandulo nomthendeleko wethu weveki.
Imifanekiso ka-Alyssa Tallent
Ngaphambi kokuba amaSirayeli amandulo aphume ebukhobokeni bawo eYiputa, acelwa ukuba athobele imiyalelo ethile evela eNkosini ukuze ingelosi etshabalalisayo ibasindise, okanye idlule phezu kwabo. (bona Eksodus 12). Emva kokuba emkile eYiputa, amaSirayeli ayesenza umsitho minyaka le, obizwa ngokuba yiPasika, ukukhumbula indlela iNkosi eyabahlangula ngayo abantu bayo bomnqophiso.
vNgeveki yokugqibela yobomi bakhe obusemhlabeni, uYesu Krestu wayekwisidlo sePasika. Ngoku esa sidlo sisibiza ngokuba siSidlo Sokugqibela. UMsindisi wasebenzisa ela thuba ukwazisa ummiselo womthendeleko, esithatha inxaxheba kuwo veki nganye. (Bona Mateyu 26:26–28; uLuka 22:19–20; IMfundiso neMinqophiso 20:77, 79.)
Nantsi imisonto emibini efanayo phakathi kwePasika yokuqala, iSidlo seNkosi sokugqibela, nomthendeleko wanamhlanje enokusinceda sikhumbule ukukhululwa kwethu ngoMsindisi.
ISonka
Ipasika: Kangangeentsuku ezisixhenxe, amaSirayeli atya isonka esingenagwele (esikhawuleza ukusenza kwaye singabi nabungozi bokubola nokubola).
ISidlo SokuGqibela: UYesu Krestu wasisikelela waza wasiqhekeza isonka esingenagwele sePasika, waza Yena wasinika abafundi. Yena wabaxelela ukuba batye bekhumbula umzimba waKhe, awayesazi Yena ukuba uza kwaphulwa kungekudala kwaye wayeya kufa kodwa uza kuvuka kwakhona.
Umthendeleko: Sitya isonka sikhumbula umzimba kaYesu Krestu.
UYesu Krestu siSonka soBomu. Ngovuko lwaKhe, sonke siya kuvuswa sinemizimba egqibeleleyo, engenakonakala, nengafiyo. Yena usikhulula ekufeni.
IGazi leMvana
Ipasika: Imvana yePasika yayiyimvana eyindoda engenasiphako, enonyaka ubudala. Yabulawa, kwaye igazi layo laqokelelwa esityeni. iHyssop (umfuno) wafakwa kwisitya waza wasetyenziselwa ukusasaza igazi lijikeleze isakhelo somnyango wangaphandle wendlu. Olu yayiluphawu lwangaphandle oluchaza abantu bomnqophiso beNkosi ababeza kudlulwa yingelosi etshabalalisayo ukuze bakhululwe ebukhobokeni eYiputa.
ISidlo Sokugqibela: UYesu Krestu wasebenzisa iwayini ukumela igazi laKhe. Yena waxelela abafundi baKhe ukuba bayisele ekukhumbuleni igazi laKhe, elaliza kuphalala ngenxa yabo ukuze baxolelwe izono kwaye libe yinxalenye yomnqophiso omtsha.
Umthendeleko: Sisela amanzi ekukhumbuleni gazi likaYesu Krestu.
UYesu Krestu yiMvana kaThixo. Igazi laKhe laphalala njengoko wayebandezeleka ngenxa yezono zethu nobuthathaka bethu. Igazi laKhe—idini laKhe—liyasihlambulula. Yena usikhulula esonweni.
© 2025 ngu Intellectual Reserve, Inc. All rights reserved. Ishicilelwe eMelika. Imvume yesiNgesi: 6/19. Imvume yenguqulelo: 6/19. Inguqulelo ye Monthly For the Strength of Youth Message, March 2026. Xhosa. 19936 774