Omengull er a Baskua—Sacrament

Mlara David A. Edwards

Babier er a Ikelesia

Ngarngii a klaisisiu er sel uodel omengull er a Baskua me a sakrament el dolai er ngii er a bek el sandei.

Uchei er a tebedir a re chad er a Israel er a beluu er a Egypt, eng mle kirir loltirakl a telutk llechul a Rubak luchul e ngike el melemall el anghel a diak el temelterir, e bai chengelakl er tir(mesa Exodus 12). Sera letobed er a Egypt, e a re Israelites a mlo mengull er a okedongall el Passover, er a bek el rak lomeletkir er a Rubak lulesobel er a rechedal er a telbiil.

Sel lulebongel sandei er a klengar Ngii er a beluulechad, e a Jesus Kristo a ulemesoil er tiaikid el temel Omengull er a Baskua. Chelecha e kede omekedong er ngii el Ulebongel Belsoil. A Osobel a ulesbech er tiaikid el teletael lochotii chedaol ruoll er a sakrament, el doruul er ngii er a bek el sandei. (Mesa Mateus 26:26–28; Lukas 22:19–20; Doctrine and Covenants 20:77, 79.)

Aikakid a eru el tekoi el kirel sel kot el Omengull er a Baskua, Ulebongel Belsoil er a Rubak, me a sakrament er chelechal sils el sebechel ngosukid er a sebechekled lokiu Osobel.

chelseklel a chesimer er a Omengull er a Baskua

Blauang

Omengull er a Baskua: Euid el klebesei, el chad ra Iserael a milnga blauang(mereched a rellel e diak el mereched el mo mekngit).

Ulebongel Belsoil: A Jesus Kristo a ulemekngeltengat e millebtib a blauang er a temel Omengull er a Baskua, e milsterir a rulbengkel. Ng dilu er tir me longang lomeletkir er a Bedengel, el Ngii a mle medengei el kmo mochu er a kodall e lmuut el mo mekiis.

Sacrament: Kede menga er a blauang lomeletked er a bedengel a Jesus Kristo.

A Jesus Kristo a Blauang er a Klengar. Ngokiu Okisel er a Kodall, e kid a mo mekiis er a kodall loba cherrungel, diak a telmellel, e diak a kodellel bedenged. Ngii a sobecheklid er a kodall.

Rsechel a Ngelekel a Sib

Omengull er a Baskua: A ngelekel a sib er a taem er a Omengull er a baskua a dimlak a secherel, e tal rak a rekil el sechal ngelekel a sib. Ng mlo mokoad, e a rsechel a mo er a chelsel a delluchel blatong. Hyssop (llel a kerekar) a loba el melilech er ngii er tial rasech e mengilt a chelseklel a chesmerel a blai. Tia mle olengchelel a rechedal a Rubak er a telbiil me ngikel melemall el anghel a diak el temelterir e mo sebechir el tuobed er a beluu er a Egypt.

Ulebongel belsoil: A Jesus Kristo ulusbech a wine el uaia le rsechel. Ng dilu er a rulbengkel me lolim er ngii lomeletkir er a Rsechel, el ngii a mo mechoit el kirir el kirel a ngbetel a kngterir el telengtengil a beches el telbiil.

Sacrament: Kede melim er a ralm lomeletked er a rsechel a Jesus Kristo.

A Jesus Kristo a Ngelekel Sib er a Dios. A rsechel a mlechoit er a le ngara ringel el kirel a kngtid me a telmelled. A Rsechel—tngakireng er Ngii—a mengikiid er kid. Ngii a sobecheklid er a klengit.

© 2026 by Intellectual Reserve, Inc. All rights reserved. Milluches er a USA. Kengei er a English: 6/19. Kengei er a oidel: 6/19. Oidel a Monthly For the Strength of Youth Message, March 2026. Palauan. 19936 881