Mahlwem Nuhkewa Nuh ke Kuh luhn Mwet Fuhsr Pweng, Mahs 2026
Exodus 12
Kuhfwen Ahluhkwelah Lasr—Sackracmacn
Oasr kuhpahsr fototo se inmahsrlon Kuhfwen Ahluhkwelah meet ah nuh ke sackracmacn lasr ke wik nuhkwewa.
Sroallah sel Alyssa Tallent
Meet liki mwet Israel e met ah som liki kohs lalos fin acn Egypt, tuh ngihsweyuck elos in ukwe ahkuhtweyac sin Leum tuh elos in kuh in moullac kuh pahsiyucklac, liki lipufacn luhn misac ah (liye Exodus 12). Tukun elos som liki acn Egypt, mwet Israel ah oruh mongo luhlahp se ke kais sie yac, pahngpahng ma se inge Kufwen Alukwelah, in esam ke Leum El molwelah mwet wuhlweacng Lal.
Ke wik sahflah ke moul Lal facluh, Jisus Kraist el tuh wi mongo ke Kuhfwen Ahluhkwelah se. Misenge kuht pahngon mongo se ingacn Kuhfa Sahflah. Mwet Lahngo El orekmakihn toeni se ingacn in ahkuhtweyac akwuck ke sackracmacn, suc kuht oruh ke wik nuhkwewa. (Liye Mattew 26:26–28; Luke 22:19–20; Doctrine and Covenants 20:77, 79.)
Pa inge luo ma oacna sie inmahsrlon Kuhfwen Ahluhkwelah se meet ah, ke Kuhfa Sahlfah luhn Leum, ac sackracman misenge ma kuh in kahsre kuht in esam molwelah lasr sin Mwet Lahngo.
Bread
Kuhfwen Ahluhkwelah: Ke lwen itkohsr, mwet Israel kang bread tena pulohl se (suc fihsracsr in oreklac ac pahtlac in suckack ac kuhlawi).
Kuhfa Sahflah: Jisus Kraist El ahkinsewowoye ac kuhnsaclihk bread ke Kufwen Ahluhkwelah, ac El sang nuh sin mwet tuhma lutlut ac. El fahk nuh selos in mongo ac in esam Mahnol, suc El etuh muh pacl na sa e muhsahllah ac misac tuhsruhk e sifwilpac moulyak.
Sacrkracmacn: Kuht mongo bread in esam ke mahno luhn Jisus Kraist.
Jisus Kraist pa Bread luhn Moul. Ke Sifwilpac moulyak Lal, kuht nuhwkewa e sifwilpac moulyak ke mahno fas, kawihl, ac wacngihn sahflahiyac. El molikuhtlac liki misac.
Srahn Lamb
Kuhfwen Ahluhkwelah: Lamb kuh sheep fuhsr soko ke Kuhfwen Ahluhkwelah ma mukul matwac yac se, ac wacngihn ma koluk ke mahnol. Uniyucki, ac srah kac ah orekweni nuh ke pol se. Hyssop (sra se) tenyucki ke pol sac ac orekmakihnyuck in osraclihk srah lihkihn sruhnguhl nuhkwewa. Akucl lihkihnihm se akihlenyac mwet wuhlweacng luhn Leum in muh pahsiyucklac elos sin lipufacn luhn misac ah elos in muh kuh in sukohsohklah liki kohs fin acn Egypt.
Kuhfa Sahflah: Jisus Kraist El orekmakihn wain in ahollah srah Lal. El fahk nuh sin mwet tuhma lutlut Lal in nihm ac esam ke srah Lal, suc e tuhfah ukiyucklac nuh selos nuhkwewa nuhke elah luhn ma koluk ac in sie ipin wuhlweacng sasuc.
Sackracmacn: Kuht nihm kof in esam ke srah luhn Jisus Kraist.
Jisus Kraist pa Lamb luhn God. Srah kacl sohrohrlah ke El kweok ke ma koluk ac mwe muhnahs lasr. Srah Lal—kihsaclah Lal—ahknwacsnwacsye kuht lac. El moli kuht lac liki ma koluk.
© 2026 sin Intellectual Reserve, Inc. Suwohs nuhkewa fihliyucki. Printiyucki fin acn USA. Ahkkweyeyucklac ke English: 6/19. Ahkkweyeyucklac ke lweng: 6/19. Lweng nuh ke Pweng Ke Mahlwem Nuhkwewa Nuh ke Kuh luhn Mwet Fuhsr, Mahs 2026Kosraean. 19936 868