Gubin ea pul ni Fan ko Gelingin e Pi’in ni Fel’yangren Mulwol, February 2026
Gaba adag ningam paer Nigab Falfalan’? Mu Gay rogon i qoeg ea Magar
Napon nibayi sug ea yafos rom ko pin’en nibe thilthil, ma qoeg ea magar ea rayog ninge aywegnem ngam paer ni tin nib mangil ban’en ea nga’i paer u wun’um mag paer nigbe athpeg ea tin nib fel’ ban’en.
ke Drowing nag Maggie Stephenson
“Falfalan’ roem ea dabyog ninge yiqor ko magar nigbe qoeg.”
Ni woed rogon ere bugithin ney niyib roek Elder Gary B. Sabin ko fare ulungngin i Medilup i Ragag ni yoeg, fane falfalan’um ea beyaen u rogon nigbe qoeg ea magar. Be puluw—napon nigbe qoeg ea magar, ma arme gabe lemnag ea tin nib mangil ban’en ko tin nib kireb ban’en.
Machene, yafos ea gathi gubin ngiyal’ ma beyaen niwoed rogon nikan fanow nag. Yug thithil ni danur finey ea rayog ninge yibnag ea m’agfan’, kirban’, fa damomuw gathi falfalan’. Machene napon nibayi gel ea gafgow, ma fare qoeg ea magar ere aywegnem ngam paer nga’um finey ea tin nib mangil ban’en. Murin’ ere dalip pin’ey ngeyib boech ea maqoeg ea magar ngalanne yafos rom.
1. mu Sapnag ea tin nib Mangil
boech ea Ngiyal’, ea rib mo’maw’ ningan qoeg ea magar u napon nig be thamiy nibay ban’en nidariy roem. Machene mange bugi tawa’ath ni sana damurguy yakam tay u wun’um ea tin dariy roem ko tin bay roem?
Bay qum sapnag ea tin nib mangil u lane yafos rom, mara bingyal’ i nyaen me moem rogon i pateg.
2. Mu qoeg ea Magar ko Qen nike piq
Napon nibay mu theqeg fapi tawqath rom, dab mupag tilin ko uw ea karbad riy.
Qoeg ea magar ku Chitamngiy nuTharmiy kopi tawa’ath rok—nib mu’un fare tawa’ath Nifak ngay—ea rayog ninge gaqnag ea adag rom nge mich rom Ngak. President D. Todd Christofferson, bin l’agrow ea Counselor u langgin ea bin somm’on ea Presidency, ea ki weliy ni, “Qoeg ea magar ku Got … ema gelnag me be’echnag e falfalan’ rom,” me piq ea falfalan’ nge gelngim me ayweg ea mich roem nge paer nib gel.
3. Mutay fare Fanow ko Chitamnmgiy nu Tharmiy ni qir ea thaqabi somm’on ko tafuney roem
Nib Tomilang, qoeg ea magar ea gathi be yipfan ningan tharbay ea tin nib mo’maw’ ban’en u langgin ea yafos fa ngan paer niyib falfalan’ ni gubin ngiyal’. Musngak Yesus Kristus make thamiy make thamiy ea amith (muguy ko Alma 7:11; Doctrine and Covenants 19:18–19). Kirkirban’ ea kubleg rogon ko yam’.
Machene demutrug komang, taqabn’en ea darmathil: tanam nifen ea murnguy ko Chitamngiy nu Tharmiy. Gubin ea kirkirban’ nge amith nigbe madqeg u langgin ea yafos ea bayi fel’ rogon nibchan Yesus Kristus nge Bayul Roek (muguy ko Revelation 21:4).
Elder Dieter F. Uchtdorf kofare ulungin fare Ragag nge L’agrow i Apastol ea weliy: “qoeg ea Magar u napon ea sagagafgow ea dar yipfan nigdad ba adag ea pin’en nibe buch. Be yip fan nibchan ea mich rodad ere gadad be changar ngabe’nem fapi-gafgow nibay qiyib.”
©2026 ko Intellectual Reserve, Inc. Gubin nibay mat’won. Kan Yoeloey u USA. Mat’won ko thin nu Ngalis: 6/19. Mat’won ningan pilyeg: 6/19. Pilyeg ko Gubin e Pul ko tin Nifan ko Mulwol kopi Fel’yangren , February2026. Yapese. 19935 905