کیا آپ زیادہ خوش رہنا چاہتے ہیں؟ شُکر گُزاری کرنے کی کوشش کریں

اکثر اوقات، شکرگزار ہونا سب سے مشکل ہوتا ہے جب آپ کو لگے کہ آپ میں کُچھ کمی ہے۔ لیکن آپ کیسی نعمتیں نظر انداز کر سکتے ہیں اگر آپ اُس چیز پر توجہ دیں جو آپ کے پاس نہیں ہے بجائے اس کے کہ آپ کے پاس کیا ہیں؟

جیسے جیسے آپ اپنی زندگی میں اچھائی تلاش کریں گے، وقت کے ساتھ اُسے تلاش کرنا آسان ہو جائے گا۔

جب آپ اپنی نعمتیں شمار کریں، تو یہ نہ بھولیں کہ وہ کہاں سے آئی ہیں۔

آسمانی باپ کا اُس کے تُحفوں کے لیے شُکریہ ادا کرنا—جِن میں اُس کے بیٹے کا تحفہ بھی شامل ہے—اُس کے لیے آپ کی محبّت اور ایمان کو مزید بڑھا سکتا ہے۔ صدر ڈی ٹاڈ کرسٹوفرسن، صدارت اوّل میں مشیرِ دوم نے یہ بھی وضاحت کی، ”خُدا کے لِیے احساس اور شُکر گُزاری کا اِظہار، … پَرَستِش کو خُوشی بھرے تجدید کے احساس سے اَثر انداز ہوتا ہے،“ آپ کو خُوشی اور قوت دیتا ہے اور آپ کی گواہی کو محفوظ رکھنے میں مدد دیتا ہے۔

ظاہر ہے، شُکرگزاری کا مطلب زندگی کی مشُکل چیزوں کو نظر انداز کرنا یا ہمیشہ خُوشی محسُوس کرنا نہیں ہے۔ حتیٰ کہ یِسُوع مسِیح نے بھی درد کو محسُوس اور تسلیم کیا (دیکھئے ایلما 7:‏11؛ عقائد اور عہُود 19:‏18–19)۔ اداسی فانیت کا ایک عام حصہ ہے۔

مگر چاہے کچھ بھی ہو، ایک چیز کبھی تبدیل نہیں ہو سکتی: آسمانی باپ کا رحم کا منصُوبہ۔ زندگی میں آپ کو جتنی بھی اُداسی اور تکلیف پہنچتی ہے وہ یِسُوع مسِیح اور اُس کے کفارہ کی بدولت درست ہو جائے گی (دیکھیں مکاشفہ 21:‏4)۔

بارہ رسُولوں کی جماعت سے بزرگ ڈئیٹر ایف اُکڈورف نے وضاحت فرمائی: ”مصیبت کے وقت شُکر گزار ہونے کا یہ مطلب نہیں ہے کہ ہم اپنے حالات سے خُوش ہیں۔ اِس کا مطلب یہ ہے کہ ہم اِیمان کی آنکھوں سے اپنے موجودہ مسائل سے آگے دیکھتے ہیں۔“