තවත් සතුටින් ඉන්න කැමති ද? කෘතඥතාව උත්සාහ කරන්න

බොහෝ විට, ඔබට යමක් අඩු බවක් දැනෙන විට කෘතඥතාව දැක්වීම කියන්නේ කරන්න දුෂ්කරම දෙයක්. නමුත් ඔබ සතුව ඇති දේ ගැන සිතනවාට වඩා නැති දේ ගැන සිතීමෙන් ඔබ නොසලකා හරින්නේ කුමන ආශීර්වාද ද?

ඔබ ඔබේ ජීවිතයේ යහපත සොයන විට, කාලයත් සමඟ එය සොයා ගැනීම පහසු වෙනවා.

ඔබ ඔබේ ආශිර්වාද ගණන් කරන විට, ඒවා පැමිණෙන්නේ කොහෙන් ද යන්න අමතක කරන්න එපා.

උන්වහන්සේගේ පුත්‍රයාණන් වන දීමනාව ඇතුළුව—ස්වර්ගික පියාණන්වහන්සේගේ දීමනා සඳහා ස්තූති කිරීමෙන් උන්වහන්සේ කෙරෙහි ඔබේ ප්‍රේමය හා ඇදහිල්ල ගැඹුරු කරගන්න පුළුවන්. පළමු සභාපතිත්වයේ දෙවන උපදේශක, සභාපති ඩී. ටොඩ් ක්‍රිස්ටෝෆර්සන් ද මෙසේ පැහැදිලි කළා, “දෙවියන්වහන්සේට කෘතඥතාව පළ කිරීම සහ කෘතඥතාව එය දැනීම … නමස්කාරය ප්‍රීතිමත් අලුත් කිරීමේ හැඟීමකින් පුරවයි,” එයින් ඔබට ප්‍රීතිය හා ශක්තිය ගෙන දෙන අතර ඔබේ සාක්ෂිය සුරක්ෂිතව තබා ගැනීමට උපකාරී වෙනවා.

පැහැදිලිවම, කෘතඥතාව පළ කිරීම යනු ජීවිතයේ දුෂ්කර දේවල් නොසලකා හැරීම හෝ සැමවිටම සතුටින් සිටීම නොවේ. යේසුස් ක්‍රිස්තුස්වහන්සේට පවා වේදනාව දැනුණා සහ උන්වහන්සේ එය පිළිගත්තා (බලන්න ඇල්මා 7:11; දහම සහ ගිවිසුම් 19:18–19). දුක යනු ලෞකිකත්වයේ සාමාන්‍ය කොටසක්.

නමුත් කුමක් වුවත්, එක දෙයක් කිසිදා වෙනස් වෙන්නේ නැහැ: ඒ තමයි ස්වර්ගික පියාණන්වහන්සේගේ දයාවේ සැලැස්ම. ඔබ ජීවිතයේ අත්විඳින සියලු දුක සහ වේදනාවන් යේසුස් ක්‍රිස්තුස්වහන්සේ සහ උන්වහන්සේගේ වන්දිගෙවීම නිසා නිවැරදි කරනු ලැබෙනවා (බලන්න එළිදරව්ව 21:4).

ප්‍රේරිතවරුන් දොළොස්දෙනාගේ ගණපූරණයේ වැඩිහිටි ඩීටර් එෆ්. උක්ඩ්‍රොෆ් මෙසේ පැහැදිලි කළා: “දුක්බර කාලවල දී කෘතඥ වීම යන්නෙන් අදහස් කරන්නේ අප අපගේ තත්වයන් ගැන සතුටු වන බව නොවේ. එහි තේරුම වන්නේ ඇදහිල්ලේ ඇස්වලින් අපි අපගේ වර්තමාන අභියෝගවලින් ඔබ්බට බලන බවයි.”