Padahk en ehu ehu sounpwong Ong Kakehlepen me PwulopwulPepuweri 2026
Ke men Kalaudehla Ahmw Peren? Song Kapingki
Ansou me ahmw mour kin wekidekla, Kaping kak seweseiuk en kehlail oh ahneki koapwoaroapwoar.
Kilel sang Maggie Stephenson
“Ahmw peren sohte pahn laudsang ahmw kaping.”
Pil duehte lepin mahsen wet sang Elder Gary B. Sabin en pwihn en Isiakan Akan kosoia, uwen ahmw peren kin kohsang ni uwen ahmw pepehm en kalahngan. E wehwe—ansou me ke ahneki kaping, ke kin medmedewehte dahme mwahu ahpw keidehn me sohte mwahu kan.
Ahpw, mour sohte kin ansou koaros mih ni dahme kitail mwahuki. Ansou sohte kesikpe kan kakete kahrehiong ahmw pwunod laud, nsensuwed, oh lingernger kaidehn peren. Ahpw ansou kan me apwal, kaping kak seweseiuk en ahneki koapwaoroapwoar. Song soahng siluh pwukat kalaudehla kaping nan ahmw mour.
1. Rapahki me Mwahu
Pak tohto, e kin keieun apwal en ahneki kaping ansou me ke kehn me mie mehkot sohte itar. Ahpw soangen kapai da me ke sohte kak kilang pwehki ahmw medmedewehte dahme sohte sohte rehmw ahpw kaidehn dahme miehier rehmw?
Ni ahmw pahn kin raparapahki dahme mwahu nan ahmw mour, ansou ieu mwuri e pahn mengei ehng uhk en diar.
2. Kapingkihong Ihr me Ketkihonguhk
Ansou me ke kin wadek ahmw kapai kan, kedehr manokehla wasa re kohsangie.
Kapingkihong Kauno Sapwelime kisakis kan—me iangahki kisakis en Sapwelime Ieroso—kak kaloalehla ahmw limpoak oh pwoson Ih. Presiden D. Todd Christofferson, Keriaun Soun Sawas nan Presidensi Keieu, pil kawehwedahr, “Pepehm oh Kapingkihong Kauno kin kapatahiong kaudok pepehm en popohl,” kihonguhk popohl oh kehl oh sewese ahmw kadehdeh en tengeteng.
3. Medemedewehte Koasoandi en Sahm Nanleng
Ni mehlel, ahneki kaping sohte wehwehki me ke pahn soikala kahpwal kan nan mour wet de pereperen ansou koaros. Pein Sises Krais kehn oh alehda medek (kilang Alma 7:11; Doctrine and Covenants 19:18–19). Nsensuwed wia kisehn mour pohn sampah.
Ahpw mendahte soahng kan koaros, mehkot wet sohte kin wekidekla: Sapwelimen Sahm Nanleng koasoandi en mahk. Pahtou oh medek koaros me ke kehnehr nan mour wet pahn mwahula pwehki Sises Krais oh Sapwelime Tomwo (kilang Kaudiahl Kan 21:4).
Elder Dieter F. Uchtdorf en Pwihn en Wahnparon Ehk Riemeno kawehwehda: “Being grateful in times of distress does not mean that we are pleased with our circumstances. E wehwehki me sang ni pwoson kitail kin kilengwei mwohtail sipele atail kapwal kan en ansou pwukat.”
© 2026 by Intellectual Reserve, Inc.All rights reserved. Ntingda nan USA. Kamanamanla ong ni Lokaiahn wai: 6/19. Kamanamanohng kawehweh: 6/19. Kawehwepen Monthly For the Strength of Youth Message, February 2026Pohnpeian19621 885