Bek el Buil Kirel a Klisichir a RengeasekKlumech, Ongeru el Buil 2026
Soam el Mengai el mo Ungil a Rengum? Molasem Omereng el Saul
Sel sekum me a klengar er kau a betok a mengedengodech er ngii, ea omereng el saul a sebechel ngosukau lomes er a klungiolel a tekoi e ngara omengiil.
Sunga er a Maggie Stephenson
“Ngdiak el sebechem el dmeu a rengum ra bai moureng a soal.”
El di ua tial tekingel a Elder Gary B. Sabin er a re Okeuid el melekoi, a delechel a deuil a rengum a mengai er a delechel a omereng el saul el ngar kau. Tia bleketakl—sel omui er a saul, e kau omes a klungiolel a tekoi er a bai kngtil a tekoi.
Meng uaisei, ea klengar a diak el blechoel el mora ikel domdasu. A bkai chemrungel a ngmodech a rokui a sebechel mekberodii a uldesuem, klengit el reng, malechub eng checherd a rengum meng diak lungil a rengum. Engdi a tekoi sel le meringel, ea omereng el saul a sebechel rullau me kungil mengiil. Molasem aikal edei el teletael el mo meskau a betok el omereng el saul el mera klengar er kau.
1. Momes a Ungil
Blechoel el taem, eng meringel doba omereng el saul sel domelchesiu el diak a kmong ngera er kid. Engdi ngeral klengeltengat a sebechel limiu er a osengem sel di momdasu a diak er kau er a bai momes a akel ngarngii er kau?
Mesel mosiik a ungil er a klengar er kau, e a omerolel a taem eng di merael el mo beot er kau a metik.
2. Moureng a Sulel a Chad el mlo Mesaul.
Sel mo mechur a klengeltengat el merkau, e lak mobes el kmong mla er ker el mei.
Moureng a sulel a Chedam er a Babeluades er a sengk er Ngii—uldimukl a sengk er a Ngelekel—a sebechel dochelir a beltikelreng er kau me a klaumerang er Ngii. President D. Todd Christofferson, Ongeru el Counselor er a First Presidency, a dirrek el silodii, “Omelchesiu me a ouchais ra sulel a Dios … a msang a omengull lobengkel a reng lomekbeches a deureng,” ngomeskau a deurreng me a klisiich e olengeseu er a klaumerang er kau meng kldmokl.
3. Momes el bedul sel Uldesuel a Chedam er a Babeluades
Ng bleketakl, a oba omereng el saul a diak el belkul a kmo ke de olechib a meringel tekoi er a klengar malechub a omelchesiu lungil a rengud er a bek el taem. Me a Jesus Kristo ulmelchesiu e mes a ringel (mesa Alma 7:11; Doctrine and Covenants 19:18–19). A klengit el reng a tebedechel tial klengar.
Engdi diak el iior er a ngii di el ngerang, a tal tekoi a diak el mengodech: Uldesuel a klechubechub er a Chedam er a Babeluades. A rokui el klengitelreng me a telemall el kau a soiseb er ngii er tial klengar e mo mekedmokl el moungil e le uchul a Jesus Kristo me a Tngakireng er Ngii (mesa Ocholt 21:4).
Elder Dieter F. Uchtdorf of the Quorum of the Twelve Apostles a silodii: “A oba omereng el saul ra chelsel a ringel a diak el belkul a kmo ng soad a tekoi el de seluk er a chelsel. Tia a belkul a kmo ngokiu a osengel a klaumerang e kid omes lengelakl er a chelechal-sils me a ringelel.”
© 2026 by Intellectual Reserve, Inc. All rights reserved. Milluches er a USA. Kengei er a English: 6/19. Kengei er a oidel: 6/19. Oidel a Monthly For the Strength of Youth Message, Ngeru el buil 2026. Palauan. 19935 881