Ennaan eo an N̄an Kōkajoorļo̧k Jodikdik ro Kajjojo Allōn̄, Pāpode 2025
Kwōj Kōņaan ke Mōņōņōļo̧k? Kajjion̄ Kam̧m̧oolol
N̄e mour eo am̧ obrak kōn mennin oktak ko, kam̧m̧oolol emaron̄ jipan̄ eok kalimjōk wōt m̧ōņōņō im kōjatdikdik.
Kōmeļeļe ko jān Maggie Stephenson
“Koban m̧ōņōņōļo̧k jān n̄e kwōj kam̧m̧oolol.”
Āinwōt naan in jān Elder Gary B. Sabin jān Jiljilimjuonn̄oul eo ej a, jon̄an am̧ m̧ōņōņō ej kajju kareel kōn ewi jon̄an am̧ kam̧m̧oolol. Menin emeļeļe—n̄e kwōj kam̧m̧oolol, kwoj kalimjōk men ko rem̧m̧an ijello̧kin men ko renana.
Ekab de wōt, mour ejjab iien otemjej etal ekkar n̄an karōk. Men ko jab kōtmeni remaron̄ kōm̧m̧an am̧ inepataļo̧k, būrom̧ōj, ak illu ijello̧kin m̧ōņōņō. Bōtaab n̄e men ko rej pen, kam̧m̧oolol emaron̄ jipan̄ eok pād wōt ilo kōjatdikdik. Kajjion̄e wāween kein jilu ej bōktok eļapļok kam̧m̧oolol n̄an mour eo am̧.
1. Pukōt Em̧m̧an
Elōn̄ iien, epen tata bōk kam̧m̧oolol n̄e jej en̄jake āinwōt ewōr juon men ejjeļo̧k ippam̧ Bōtaab ta kōjeraam̧m̧an ko kwomaron̄ jab mijōki kōn pedped ioon ta eo ejjeļo̧k ippam̧ ijello̧kin ta eo ewōr ippam̧?
Ilo am̧ kappukot em̧m̧an eo ilo mour eo am̧, iien n̄an iien enaaj pidodoļo loe.
2. Kwaļo̧k Kam̧m̧oolol n̄an Rileļo̧k eo
N̄e kwoj bwini kōjeraam̧m̧an ko am̧, jab meļo̧kļo̧k ia eo rej itok jāne
Kam̧m̧oolol Jemād Ilan̄ kōn mennin letok ko An—ekoba menin letok eoan Nejn—emaron̄ kam̧wilaļļo̧k iakwe im tōmak eo am̧ ilo E. Būreejtōn D. Todd Christofferson, Rikakpilōklōk eo Kein Karuo ilo Būreejtōnji eo Kein Kajuon, ekar bar kōmeļeļeik, “En̄jake im kwaļo̧k kam̧o̧o̧lo̧l n̄an Anij … enaaj bōk jikin kabun̄jar ippān en̄jake in lan̄lōn̄ emōj kōkāāle,” ej boktok lan̄lōn̄ im kōkajoor n̄an kwe im jipan̄ kapen kam̧ool eo am̧.
3. Mije Karōk eo an Jemādwōj Ilan̄
Ealikkar, wōr kam̧m̧oolol ejjab meļeļe in kowaan men ko reppen ilo mour ak en̄jake m̧ōņōņō aolep iien. Jekdo̧o̧n Jisōs Kraist ekar en̄jake im kile metak (lale Alma 7:11; Katak im Bujen Ko 19:18–19). Būrom̧ōj ej juon m̧ōtta mour wabanban.
Bōtaab jekdo̧o̧n ta, juon men ejamin oktak: karōk in tūriam̧o̧ eo an Jemādwōj Ilan̄. Aolep būrom̧ōj im metak ko kwoj en̄jake ilo mour in renaaj jejjet kōnke kōn Jisōs Kraist im Pinmuur eo An (lale Revelation 21:4).
Elder Dieter F. Uchtdorf jān Doulul eo an Jon̄oulruo Rijilōk ro ekar ba: “Ilo ad kam̧m̧oolol ilo iien eppen ejjab meļeļein bwe jej m̧ōņōņō ilo jekjek ko ad. Ej meļeļein bwe jān mejen tōmak jej lo etoļo̧k wōt jān kaban̄ban̄ ko ad raan kein.”
© 2026 jān Intellectual Reserve, Inc. Aolep jim̧we ko rej pād ippān. Buriin ilo USA. Kōmālim ilo kajin English: 6/19. Kōmālim ukook eo: 6/19. Ukook eo an Monthly For the Strength of Youth Message, February 2026. Marshallese. 19935 874