გინდა, უფრო ბედნიერი იყო? სცადე მადლიერება

ხშირად, ყველაზე რთულია იყო მადლიერი, როცა გრძნობ, რომ რაღაც გაკლია. მაგრამ რა დალოცვებს ვერ ამჩნევთ, თუ ფოკუსირებულები ხართ იმაზე, რაც არ გაქვთ, ნაცვლად იმისა, რაც გაქვთ?

როცა ცხოვრებაში სიკეთეს ეძებთ, დროთა განმავლობაში მისი პოვნა უფრო ადვილი ხდება.

თქვენი დალოცვების ჩამოთვლისას არ დაგავიწყდეთ მათი წყარო.

მამაზეციერისადმი მისი ძღვენებისადმი მადლიერების გამოხატვა – მათ შორის მადლიერება მისი ძისთვის – შეიძლება გააღრმაოს თქვენი სიყვარული მის მიმართ და მასში რწმენა. პირველი პრეზიდენტობის მეორე მრჩეველმა, პრეზიდენტმა დ. ტოდ კრისტოფერსონმა, აგრეთვე აგვიხსნა: „ღმერთის მიმართ მადლიერების შეგრძნება და გამოხატვა … თაყვანისცემას სძენს განახლების სიხარულს“, გგვრით მხიარულებას, გაძლიერებთ და იცავს თქვენს დამოწმებას.

ცხადია, მადლიერება არ ნიშნავს ცხოვრებაში სირთულეების იგნორირებას ან ყოველთვის ბედნიერების გრძნობას. თავად იესო ქრისტემაც კი იგრძნო და აღიარა ტკივილი (იხ. ალმა 7:11; მოძღვრება და აღთქმები 19:18–19). სევდა მიწიერი ცხოვრების ჩვეულებრივი ნაწილია.

მაგრამ განურჩევლად ყველაფრისგან, ერთი რამ არასოდეს იცვლება: მამაზეციერის მოწყალების გეგმა. ყოველივე სევდა და ტკივილი, რომელსაც ცხოვრებაში განიცდით, გამოსწორდება იესო ქრისტესა და მისი გამოსყიდვის გამო (იხ. გამოცხადება 21:4).

უხუცესი დიტერ ფ. უხტდორფი თორმეტ მოციქულთა ქვორუმიდან, გვიხსნის: „მადლიერება გაჭირვების ჟამს არ ნიშნავს, რომ კმაყოფილნი ვართ ჩვენი გარემოებით. ეს ნიშნავს, რომ ჩვენ რწმენის თვალით გადავცქერით ამჟამინდელ წინააღმდეგობებს“.