Mu’un Ngog

Kafram ni kam fek e muruwel’ kakm lemnag dabiyog ni ngam rrin’? Sana kam lemnag gathi bo’or e gelngin fa ganop rom, fa kam magaf an’um ngay e gidii’ mar minmingaed ma’ur muning ngom. Fa’an in kam thamey binem, e gathi kemus ni yigo gur.

Bo’or biyu’ e duw kafram, bay e mo’on e fithingan Enoch. Got ni ke pinning ngak Enoch ni nge machib nag e kalngan’uy ngak e gidii’—gidii’ nem e th’abi kireb udakaen e feyleng.

Enoch ke lemnag dabiyog ni nge rrin’ binem. Ke weliy ngak Got ir kemus e bee’ nib fal’yang, nge gidii’ ni dabun ngak’, nge “de cheag ni nge non” (muguy ko Moses 6:31).

Machane Got ni ke micheg ngak Enoch. Ke non ngak e mo’on ney nib tatamra, “Ngam maen nge rrin’ e tin nikug pinningem” ma “bay mpar ni baga’ lungum ko fapi burey, ma fapi lul’ ni bay thil e gin nib sor ngay; ma bay par ni ga bay rog, nge gag ngom; ere mu’un ngog” (Moses 6:32, 34).

“Mu’un ngog.” Pinning nem ir moem, nge mangil.

Got nike micheg ngak Enoch fa’an nira mang nib madangdang nge tabab, Got nira paer ngak u gubin e kanawo’. Got ni ke fal’eg Enoch nira mang nib gel nge nike ayuwegen ni nge rrin’ bo’or nge mang e mo’on nib mangil.

Ta’areb e fithingan Somoel ir Emmanuel, fa “Bay Got rodad” (Matthew 1:23). I ir e ba yip’ fan ko fithingan Somoel ni nge un ngodad. Bay e mel’eg rodad—gadad ra un ngodad ngak?

Daba’, gadad ma lemnag Enoch ir e bee’ nib mo’on ko mich nge e profet nge tiyugang’ nib ga’. Machane umon Enoch ke mang e profet, Enoch nib fal’yangren nike maerwaer nigen thingari mel’eg ni nge paer nge un ngak Got.

Napan bay e magawon ulan e yafos, napan gara lemnag gur e gathi mangil, mu puguraen e micheg rok Somoel ngak Enoch, nge gur. Ir ra un ngom. Dabi pagmed ngam paer ni go’ gur, demtrug e ngiyal’.

Emmanuel. Got mpar romad. Got e mpar nigem!

Woed ngomed, fare Somoel nike fith ngak Enoch nira fulweg e muruwel’ rok’ ko priesthood. Bt’uf ni nge machib nag e kalngan’uy ngak e gidii’ nib kireb. Enoch nike weliy e maerwaer rok’. “[Gag] kemus e mo’on nib fal’yangren,” nibe yoeg. “Gubin e gidii’ ni dabun ngog … nge gag ni de cheag ni nggu non; ere urogon ni nggu mang e tapigpig rom?” (Moses 6:31).

Fare Somoel nike fulweg u fithik gelngin nge athamgil. “Ngam maen nge rrin’ e tin nug tay chilen ngom. … Bing lingam, ma bay ni suguy ko thin … . Ra yib e Ya’el rog ngom … ; fare burey nira chuw ngom … ; ere mu’un ngog” (Moses 6:32, 34).

Ke fil Enoch napan Somoel nima pii’ e muruwel’ rok’ ngodad, dabda rrin’ed ni go’ gur. Napan ni gadaed ra fal’eg ngad folgad e m’ag rodad ngak Kristus, Ir ra un ngomed nge pii’ e gelngin ngodad—gadad be manged e pi talin ulan e pa’.

Woed Enoch, bay e muruwel’ rom nib ga’: machib nag, pigpig ulan fare temple, pii’ fare sacrament, fil ko fapi scripture, fol e yalen ko gospel, kal’nganuy, t’aer midlen ko mission, nge reb e pi’nen. Rangam thamey ireray nib bo’or. Rangam thamey ni dabiyog ni ngam rrin’. Machane ba OK e biney. Dabiyog ni ngam rrin’ tiney ni yigo gur. Kemus bt’uf ni ngam mel’eg daba’—daba’ nge gubin e rran—ni ngam paer rom Got.

Udakaen e ayuw rok’, rangam rrin’ demtrug e pi’nen. Ir ra gelnag, n’agfan, nge gaa’nag e cheag rom. Gab t’uf rok’! Gamaed e Young Men General Presidency, ni nggu ba’adagmed nge ba’adag ni nggu un’ed ngom napan gadad ra filgad morunga’agen e 2026 theme ni: “Mu’un Ngog.”