E aha tā tātou i ’ite nō ni’a i te mau tīa’i māmoe i te Noela mātāmua ?

Mau tīa’i māmoe, nā Brian Call

’Ua ’ite tātou i te tahi mau mea nō ni’a i te mau tīa’i māmoe i te Noela mātāmua.

’Ua fātata rātou i Betelehema. « Tei taua fenua ra » te mau tīa’i māmoe i reira te fānaura’a o te Mesia i tupu ai (Luka 2:8). ’E ’ua ti’a ia rātou ’ia tae i Betelehema haere ’āvae noa tei reira noa ā ho’i oia(hi’o Luka 2:15–16).

Tē rave ra rātou i tā rātou ’ohipa. Teie mau tīa’i māmoe « e ti’a i roto i te mau aua i te tīa’ira’a i tā rātou mau nana i te mau arara’a i te pō » (Luka 2:8). E mau tīa’i māmoe maita’i ’e te ha’apa’o maita’i rātou, mai te Fa’aora te huru—te Tīa’i Māmoe Maita’i (hi’o Ioane 10:11, 14).

’Ua ’ite rātou i te mau parau tohu nō ni’a i te Mesia. ’Ua ’ite tātou nō ni’a i te mea tā te melahi i parau a fa’a’ite ai ’oia i te fānaura’a ’o « te Mesia ra ’o te Fatu » (Luka 2:11), te Mesia i tohuhia i te tau tahito ra.

E itoito rahi tō rātou. A parau ai te melahi ia rātou nō ni’a i te « tamaiti ra i te vai-noa-ra’a i roto i tā te pua’a vaira’a mā’a » (Luka 2:12), ’ua haere « ’oi’oi » atu ra rātou nō te ’ite iāna (Luka 2:16).

’Ua fa’a’ite atu ra rātou i te parau ’āpī maita’i. ’Ua « fa’a’ite hua » atu ra rātou i tā rātou i fa’aro’o ’e ’i ’ite nō ni’a i te poro’i a te melahi nō ni’a i te fānaura’a o te Mesia (Luka 2:17).

’Ua ha’amāuruuru atu ra rātou ’e ’ua ’ārue i te Atua. I muri a’era i te reira, ’ua « ho’i mai ra taua mau tīa’i māmoe ma te ha’amaita’i ’e te ’ārue i te Atua i te mau mea ato’a tā rātou i fa’aro’o ’e tā rātou i ’ite » (Luka 2:20).