Meac kuht etuh ke mwet liyacacng sip ke Krismas se emet?

Mwet liyacacng sip, by Brian Call

Kuht etuh ke kuhtuh ma kacn mwet liyacacng sip ke Krismas se emet.

Elos apkuhran nuh Bethlehem. Mwet liyacacng sip elos oasr ke “acn se pacna” isuslac lal Kraist tuh sikyak we (Luke 2:8). Ac elos tuh fahsr ne sun acn Bethlehem ke El srwackna oasr we ah (liye Luke 2:15–16).

Elos oruh ma kunaclos. Mwet liyacacng sip inge elos “muhta innimac uh ke fong sac in karihngihn un sip nahtuhlos” (Luke 2:8). Elos mwet liyacacng sip wowo ac yohk luhlahlfongi lalos, oacna Mwet Lahngo—suc Mwet Shepherd wo (liye John 10:11, 14).

Elos etuh ke kahs in pahluh kacl Messiah uh. Elos etuh lah meac lipufacn sac sramsramkihn ke pacl se el tuh sulkackihn isuslac luhn “Kraist suc Leum” (Luke 2:11), Messiah se suc palyeiyuck na emet me.

Yohk luhngse lalos nuh Sel. Ke lipufacn sac fahk nuh selos ke “ahwowo se … oan ke nien mongo luhn kosro” (Luke 2:12), elos “silahklahk” som in tuh Liyacl (Luke 2:16).

Elos akacsruhi ke pweng wo se inge. Elos “fahkwelihk” ke ma elos lohng ac liye ke mwe fahkwack luhn lipufacn sac ke isuslac luhn Kraist (Luke 2:17).

Elos sang kuloh ac kaksakihn God. Tukun ma inge kwewa, elos “fohlohklac, ac alu ac kaksakihn God ke ma nuhkwewa ma elos lohng kac ac liye” (Luke 2:20).