Tera rongorongoia taan kawakin tiibu ae ti ataia n te moan Kiritimati?

Taan Kawakin Tiibu, iroun Brian Call

Ti atai tabeua bwaai ibukin rongorongoia taan kawakin tiibu n te moan Kiritimati.

A uakaan ma Betereem. A mena taan kawakin tiibu “n te aba naba anne” ike e bungiaki iai Kristo (Ruka 2:8). Ao a kona n roko i Betereem bwa a rianna ngke E bon mena ikekei (taraa Ruka 2:15–16).

A bon karaoa tabeia. Taan kawakin tiibu aikai a “maeka n te tawana, a tararuaia aia nanai ni man n te bong” (Ruka 2:8). Bon taan kawakin tiibu aika a raoiroi ao ni kakaonimaki, n aron te Tia Kamaiu—te Tia Kawakin Tiibu ae Raoiroi (taraa Ioane 10:11, 14).

A ataa te taetae ni burabeti ibukin te Mesia. A ataa raoi te bwai ae e taekinna te anera ngke e katanoata bungiakin “te Uea ae Kristo” (Ruka 2:11), te Mesia are e taetae ni burabetiaki n taai ake ngkoa.

Iai irouia te ninikora ae korakora. Ngke e tuangiia te anera taekan te “merimeri … ae wene ni nen te man n amarake” (Ruka 2:12), a “kawaetataia” n nako ba a na Nooria (Ruka 2:16).

A tibwaua te rongorongo ae kakimwareirei. A “kaota taekan” te bwai are a tuangaki ao n ongo ni kaineti ma ana rongorongo te anera ibukin bungiakin Kristo (Ruka 2:17).

A kakaitau ao a neboa te Atua. I mwiin bwaai aikai ni kabane, a “oki,, n neboa te Atua ma ni kamoamoa i bukin bwaai ni kabane ake a ongo ma n nori” (Ruka 2:20).