Na cava eda kila baleti ira na ivakatawa ni sipi ena imatai ni Siganisucu?

iVakatawa ni Sipi, mai vei Brian Call

Eda kila e vica na ka baleti ira na ivakatawa ni sipi ena imatai ni Siganisucu.

Era tiko volekati Pecileema. O ira na ivakatawa era a tiko “ena vanua ko ya” a yaco kina na sucu i Karisito (Luke 2:8). Ka a rawa vei ira mera yacovi Pecileema e yavadra ni se tiko voli ga e kea ko Koya (raica na Luke 2:15–16).

Era cakava tiko na nodra itavi. O ira na ivakatawa ni sipi oqo era “sa tiko mai na vanua veico, a ra veivuke me vakatawa na sipi ena bogi” (Luke 2:8). Era a ivakatawa vinaka ka yalodina, me vaka na iVakabula—na iVakatawa Vinaka (raica na Joni 10:11, 14).

Era kila tu na parofisai ni Mesaia. Era kila dina sara na veika a tukuna tiko na agilosi ena nona kacivaka na sucu ni “Karisito na Turaga” (Luke 2:11), na Mesaia parofisaitaki ena gauna makawa.

Era a yaloqaqa vakalevu sara. Ni tukuna vei ira na agilosi me baleta na “gone … sa davo ena nodra tikina na manumanu” (Luke 2:12), a ra sa lako “vakatotolo yani” me raici Koya (Luke 2:16).

Era wasea na itukutuku vinaka. Era sa “tukuna yani” na veika era sa rogoca ka raica me baleta na itukutuku ni agilosi me baleta na sucu i Karisito (Luke 2:17).

Era a vakavinavinaka ka vakacaucautaka na Kalou. Ni oti kece oqo, era a “lesu tale, a ra sa vakavinavinakataka ka doka na Kalou ena vuku ni ka kecega era sa rogoca ka raica” (Luke 2:20).