Ebɛnadze na yenyim fa nguanhwɛfo a nna wɔwɔ Borɔnya a odzi kan no ase ho?

Shepherds [Nguanhwɛfo], Brian Call yɛɛ nsaano mfonyin no

Yenyim ndzɛmba kumaabi fa nguanhwɛfo a nna wɔwɔ Borɔnya a odzi kan no ase ho.

Nna wɔbɛn Bethlehem. Nna nguanhwɛfo no “wɔ ɔman no ara” a wɔwoo Christ wɔ mu no mu (Luke 2:8). Na wotumii nantsewee dur Bethlehem ber a nna Ɔda ho wɔ hɔ (hwɛ Luke 2:15–16).

Nna wɔreyɛ hɔn dwuma. Nna nguanhwɛfo yi “da haban mu roweɔn hɔn nguankuw anago” (Luke 2:8). Nna wɔyɛ nguanhwɛfo apapa anokwafo, tse dɛ Agyenkwa—Guanhwɛfo Pa no (hwɛ John 10:11, 14).

Nna wonyim nkɔnhyɛ fa Messiah no ho. Nna wonyim dza bɔfo no reka ho asɛm ber a ɔbɔɔ “Christ Ewuradze n’awoo ho dawur” (Luke 2:11), Messiah no a wɔahyɛ Noho nkɔm tsetseberdo no ho.

Nna wɔwɔ ahokeka kɛse noara. Ber a ɔbɔfo no kaa kyerɛ hɔn faa “abɔdomaba … a ɔda mbowa edzidzidaka mu ho no” (Luke 2:12), ntsɛmara wɔkɔree kɔhwɛ no (Luke 2:16).

Wɔkyɛɛ asɛm pa no. Wɔkaa dza wɔatse na woehu fa ɔbɔfo n’asɛm a ɔfa Christ n’awoo ho (Luke 2:17).

Wɔdaa Nyankopɔn ase na woyii No ayɛw. Iyi nyina ekyir no, wɔ“sanee kɔree kɛhyɛɛ Nyankopɔn enyimnyam na woyii no ayɛw wɔ dza wɔtsee na wokohunii” (Luke 2:20).