Met kich mi sinei usun ekkewe chon masen siip atun ewe aewin Kirisimas?

Shepherds, seni Brian Call

Met kich mi sinei usun ekkewe chon masen siip atun ewe aewin Kirisimas.

Ir mi arap ngeni Bethlehem Ekkewe chon masen siip ir mi nom non ewe chok fonu ikewe uputiwen Kraist we a fis (Luke 2:8). Me ra tufichin tikeri Bethlehem won pecher nupwen I mi chiwen nom ikewe (nengeni Luke 2:15–16).

Ra fori wiser. Ekkei chon masen siip “ra mammasa nour kewe pwiin siip ir mi nom non ewe chok fonu ikewe uputiwen Kraist we a fis (Luke 2:8). Ir chon masen siip mi murino me nikitu, usun ewe Chon Amanau—ewe Chon Masen Siip mi Murino (nengeni John 10:11, 14).

Ra sinei ekkewe osini usun ewe Messiah. Mi fat pwe ra sinei met ewe chon nang a kapas usun nupwen i a esinei ewe uputiwen “Kraist ewe Samon” (Luke 2:11), ewe Messiah ir mi osini me nom.

A nap ar tiniken. Nupwen ewe chon nang a urenir usun ewe “monukun … a kokkon non ew neenien amongon man” (Luke 2:12), ra “muttir feino” ar repwe kuna I (Luke 2:16).

Ra aporousa ewe porousoch. Ra achewano met ra fen rong me kuna usun an ewe chon nang porous usun uputiwen Kraist we (Luke 2:17).

Ra kinisou me mwareiti Kot. Mwirin ekkei meinisin, ra “niwinsefanito, o ra konun mwareiti Kot ren ekkewe mettoch meinisin ra rong o kuna” (Luke 2:20).