Kungani iNkosi ineBandla?

Inhloso yeBandla likaKhristu “ukuvumela abantu nemindeni ukuba basize uNkulunkulu ekufezeni umsebenzi Wakhe wensindiso nokuphakanyiswa.” IBandla likaJesu Kristu labaNgcwele beziNsuku zokuGcina lisiza “abantwana [bakaNkulunkulu] bafaneleke ezingeni eliphezulu lenkazimulo, okungukuphakanyiswa noma impilo yaphakade.”

”UMsindisi … uthume [iBandla] ukuba lifeze izinhloso Zakhe—ukushumayela ivangeli Lakhe, ukunikela izimiso nezivumelwano Zakhe, kanye nokwenza kwenzeke ukuthi amandla Akhe asilungise futhi asingcwelise.”

Amalungu eBandla angafinyelela emandleni kaJesu Khristu nasezibusisweni ngegunya nezikhiye zobuphristi, ngezivumelwano nezimiso, ngesiqondiswa sesiphrofetho, ngemibhalo engcwele, kanye nasemphakathini wabaNgcwele.

IBandla liphinde layalwa: “Sukumani futhi nikhanye, ukuze ukukhanya kwenu kube umgomo wezizwe” (IMfundiso neziVumelwano 115:5).

Amalungu eBandla ayaphokophela “ukukhanya” ngokuphila ivangeli, ngokumema bonke ukuba balamukele ivangeli, ukuhlanganisa imindeni ingunaphakade, ukunakekela abampofu nabadingayo. Lo ngumsebenzi kaNkulunkulu wensindiso nokuphakanyiswa.