Dahme karehda Kauno sapwellimankih Mwomwohdiso ieu?

Kahrepen sapwellimen Krais Mwomwohdiso iei “en sewese emen emen oh peneinei kan en kak sewese Koht kapwaiada Sapwellime doadoahk en kamourala oh lapalapala.” Mwomwohdiso en Sises Krais en Souleng en Imwin-rahn akan sewese [sapwellimen Koht] serih kan “en kak alehdi klohri keieu ileile, me iei lapalapala de mour soutuk.”

“Sounkomouro … kauwadahr [Mwomwohdiso wet] pwe enkapwaida Sapwellime doadoahk—padapadahngki Sapwellime rongamwahu, kihda Sapwellime tiahk sarawaih kan oh inou sarawaihkan, oh kamangaiala Sapwellime manaman en kapwung kitaila oh kasarawihkitail la.”

Tohn Mwomwohdiso mweimweiong sapwellimen Sises Krais manaman oh kapai kan sang ni mweimwei en prihsduhd oh kih kan, inou sarawihkan oh tiahk sarawihkan, kaweid sang kokohp, pwuhk sarawih kan, oh wasahn kousoan en Souleng kan.

Mwomwohdiso wet pil alehier manaman en: “Kesihnenda oh kasalehda maraino, maraino me pahn kamarainiada wehi kan” Doctrine and Covenants 115:5.

Tohn Mwomwohdiso nanantihong en “kasalehda maraino” sang momourki rongamwahuo, lukluke koaros en alehda rongamwahuo, kikihpene peneinei kan en wiahla peneinei soutuk, oh apwapwalih me semwehmwe oh anahn akan. Met iei sapwellimen Koht doadoahk en komour oh lapalapala.