Buatshinyi Mukalenga udi ne Ekelezia?

Kipatshila ka Ekelezia wa Kilisto nka “kuambuluisha bantu ne mêku bua bambuluisha Nzambi mu dikumbaja dia mudimu wenda wa lupandu ne dizanjikibua. Ekelezia wa Yezu Kilisto wa Bansantu ba Matuku a Ndekelu udi wambuluisha bana ba [Nzambi] bua “kukumbana bua kupeta butumbi butamba bunena, budi dizanjikibua anyi moyo wa tshiendelela.

Mupandishi … wakatuma [Ekelezia] bua kukumbaja tubingila tuenda—kuyisha lumu luimpa luenda, kufila mishinga ne bipungidi bienda, ne kuenza bua bukola buenda butubingisha ne bu butukezula.

Bidimba bia Ekelezia bidi ne mushindu wa kupeta bukola ne mabenesha bia Yezu Kilisto ku diambuluisha dia bukôkeshi ne nsapi bia buakuidi, bipungidi ne mishînga, bulombodi bua buprofete, mifundu, ne nsangilu wa Bansantu.

Ekelezia mmupeta kabidi mukenji ewu: “Juka, ukenkesha, bua butoka bueba buikala tshimanyishilu kudi bisamba “ (Dilongesha ne Bipungidi 115:5).

Bidimba bia Eelezia bidi bidienzeja bua kuikala ne nsombelu wa lumu luimpa, kubikila bantu bonsu bua kupeta lumu luimpa, basangisha meku bua kashidi, ne batabalela bapela ne badi mu dikenga Etshi tshidi mudimu wa Nzambi bua moyo wa tshiendelela ne dizanjikibua.