Ngaa may Simbahan ang Ginuo?

Ang katuyuan sang Simbahan ni Cristo amo nga “tugotan ang mga indibidwal kag mga pamilya nga magbulig sa Dios sa pagtuman sang Iya buluhaton sang kaluwasan kag pangkahitaasan.” Ang Simbahan ni Jesucristo sang mga Santos sa Ulihing mga Adlaw nagabulig “nga himuon nga takos ang mga anak [sang Dios] para sa labing mataas nga halintang sang himaya, nga amo ang pagkahitaas ukon kabuhi nga wala’y katapusan.”

“Ang Manluluwas … nagsugo [sang Simbahan] sa pagtuman sang Iya mga katuyuan—pagwali sang Iya ebanghelyo, pagtanyag sang Iya mga ordinansa kag kasugtanan, kag pagpatigayon nga mapakamatarong kita kag matinluan sang Iya gahum.”

Ang mga miyembro sang Simbahan makabaton sang gahum kag mga bugay ni Jesucristo paagi sa awtoridad kag mga yabi sang priesthood, mga kasugtanan kag mga ordinansa, giya sang propeta, balaan nga mga kasulatan, kag komunidad sang mga Santos.

Ginsugo man ang Simbahan: “Magtindog kag magsilak agud nga ang inyo kasanag mangin pagsulundan sang tanan nga nasyon” (Doktrina kag mga Kasugtanan 115:5).

Ginatinguhaan sang mga miyembro nga “magsilak” paagi sa pagpangabuhi sang ebanghelyo, pag-imbitar sang tanan nga magbaton sang ebanghelyo, pag-isa sang mga pamilya sa katubtuban, kag pag-atipan sang mga imol kag nagakinahanglan. Ini ang buluhaton sang Dios sang kaluwasan kag pangkahitaasan.