Na cava e dua kina na Lotu ni Turaga?

Na inaki ni Lotu i Karisito sai koya "me rawa kina vua na tamata yadua kei na matavuvale me vukea na Kalou ena kena vakayacori na Nona cakacaka ni veivakabulai kei na bula vakacerecerei." Na Lotu i Jisu Karisito ni Yalododonu Edaidai e veivuke "mera rawata kina na luvena na [Kalou] na ivakatagedegede cecere duadua ni lagilagi, oya na bula vakacerecerei se na bula tawamudu."

"Na iVakabula … a lesia [na Lotu] me vakayacora na Nona inaki—vunautaka na Nona kosipeli, vakarautaka na Nona cakacaka vakalotu kei na veiyalayalati, ka vakatara na Nona kaukauwa meda vakadonui ka vakasavasavataki kina."

E rawa vei ira na lewe ni Lotu mera rawata na kaukauwa kei na veivakalougatataki mai vei Jisu Karisito mai na dodonu kei na idola ni matabete, veiyalayalati kei na cakacaka vakalotu, veidusimaki vakaparofita, ivolanikalou, kei na dua na itikotiko raraba ni Yalododonu.

Sa vakaroti talega na Lotu me: "Tucake ka cila yani me ivakaraitaki vei ira na veimatanitu kecega na nomudou rarama" (Vunau kei na Veiyalayalati 115:5).

Era tovolea na lewe ni Lotu mera "rarama yani" ena nodra bulataka na kosipeli, sureti ira na tamata kecega mera ciqoma na kosipeli, vakaduavatataka na matavuvale me tawamudu, ka vukei ira na dravudravua kei na vakaleqai. Oqo na cakacaka ni veivakabulai kei na bula vakacerecerei ni Kalou.