Pwata a wor an ewe Samon eu Mwichefen?

Ewe popun an Kraist Mwichefen pwe “epwe otufichi emon me emon me ar famini ne anisi Kot ne apwonueta An angangen amanau me manau tekia. Ewe Mwichefefnin Jises Kraist ren Aramas mi Pin non Fansoun Soponon a anisi “ne efichi [noun Kot] semirit ngeni ewe tekian muun ning, ewe manau tekia ika manau esemuch.”

“Ewe Chon Amanau a … mutata [ewe Mwichefen] an epwe awesi An kewe popun—ne afanafana An kapas allim, awora An kewe angangepin me kewe pwon mi pin, me a fori an epwe tufich ren An manaman epwe apungu me epinano kich.

Chochon ewe Mwichefen a wor ar tufich ngeni an Jises Kraist manaman me feioch seni mumutan me kiien pristut, pwon mi pin me angangepin, emwen seni soufos, pukefel, me eu mwicheichen Souneng.

Ewe Mwichefen a pwan angei annuk: Uta me sarameno, pwe om saram epwe eu nongonong ngeni ekkewe muu (Doctrine and Covenants 115:5).

Chon mwichefen ra achocho ne “sarameno” ren ar manaueni ewe kapas allim, etiwa meinisin ar repwe angei ewe kapas allim, ochufengeni famini ren fansoun esemuch, me tumunu ekkewe mi woungaw me osupwang. Iei an Kot angangen amanau me manau tekia.