Padahk en Sounpwung kan Ohng Kakehlepen me Pwulopwul KanSeptempe, 2025
Sises Krais pil Ong Rahn me Mwahu kan
Ansou me sohng koaros kin mwahu, Ia mwomwen Atail Pahn kak poadidiong Sounkomour o? Iet ekei iren madmadau.
Medewe ma kompokepahmw men kin patehng uhk te ansou me irail kin mihmi Nan kahpwal oh kin pohnsehse iuk ansou me re kin peren. Ehupene me kehlail? Sohte nohn.
Kitail kin wiaiong atail Sounkomour o—rapahki Ih ansou me kitail mih Nan kahpwal laud oh manokehla Ih Nan ansou me mwahu kan?
Kitail kin kosoia pak tohto duwen mwomwen Sises Krais ah kin sewese kitail Nan ansoun apwal akan, mwein pwehki koaros, Nan ekei pak, kin sohpai mehkot apwal akan.
Ahpw mie ekei rahn me—wihk kan de sounpar akan, ma kitail kin paiamwahu—wasa me sohng koaros kin kokohwei mwahu. Ekei pak kitail kin manokehla Sounkomouro Nan songen ansou pwuko. Aramas akan Nan Pwuhk en Mormon wia. Irail pweida sang ni sapwelimen Koht kapai kan ekei ansou ahpw pwopwila sang ni pohnmwahso ansou me re kin manokehla Ih.
Ansou mwahu kan sohte wewehki me kitail sohlar anahne Sises Krais. Ansou en kapai da iei Ih ansou me kitail anahne peren oh kapinga Ong Sounkomouro, ah kaidehn manokehla Ih.
Eri ia mwomwen Atail Pahn kak ehu Ong Sises Krais oh Samatail Nanleng ansou me Kaidehn kahpwal akan me pahn katamanohng kitail en sohpeilang Ira?
Ahneki Kanengamah
Ansou me sohng koaros mwahu, e mwahu kehn kapingki omw kapai kan oh pweida kan. Ahpw ke dehr manokehla ihs me kahreda ah kak pweida Ong kowe Ong wasa me ke mihmi ie met. Nanmwariki Benjamin kosoia Nan ah padahk Nan Pwuhk en Mormon:
“Pwe kilang, kaidehn kitail soun pekipek kei? Kitail sohte kin kehliki Aramas emen, pil iangahki Koht, Ong sohng koaros me kitail ahneki, Ong mwenge oh sohng teikan, oh Ong kohl, oh Ong silver, oh Ong songen kepwehpwe kan me kitail ahneki?” Mosiah 4:19).
Kin aktikitik Ong ni omw pweida kan sang ni omw tamataman dahme Sahm Nanleng oh Sises Krais wiaiong uhk wia ahl laud ehu en taman Ira Nan omw ansou mwahu kan koaros.
Ahneki Kaping
Kaping iei ehu wini en pohnmwahso oh limanokonok. Kaping ong Koht pahn sewese iuk en tamataman Ih oh sohng kan koaros me mwahu me Ih oh Sapwelime Iehros wiaiong Nan omw mour. Met anahne wiawi Nan ansou mwahu kan pil duwehte Nan ansou apwal akan.
Keper kin uhk
Ehu me Sehdan kin kalowehdi ki kitail e kin “kamahntik, oh kahluwahla [kowe] sang wasa me mwahu” (2 Nephi 28:21). Ni ehu kosoi, e pahn pereniki ma ke insenamwahula oh mihmi Nan ansou mwahu me pahn karehda omw manokehla dahme keieu kesempwal. Eri, ke dehr manokehla Koht! Ansou me ke kin kainapwihsang uhk lidip kan en tepelo oh sohpeisang Nan ansou me ke ahneki ansou mwahu kan, ke kak Karanihla Sahm Nanleng oh Sises Krais.
Soun Silepen Sihpw Mwhau o, sang Michael Malm
Kihong Krais en wia omw Poahson
President Russell M. Nelson padahngki: “Ansou me atail mour kin Poahsonda sang sapwelimen Koht pilahn en komouro o … oh Sises Krais oh Sapwelime rongamwahu o, kitail kak kehn peren mendahte dahme wiewiawi—de sohte wiewiawi—nan atail mour kan. Popohl kohsang Reh oh pwehki Ih. Ih me wia poahsoan en popohl unsek.”
Ia wehn omw kin medewe duwen mehlel en popohl ansou me mour kin kokohwei mwahu? Met sohte wia Iren sawas en kansenamwahui Ong ansou me sohng kan kin apwal. E kin mehlel ansou koaros, iangahki omw rahn mwahu kan. Eri wia wehn omw kak koaros en mihmite rehn Krais, ni omw kohdo ni suwed de mwahu.
© 2025 by Intellectual Reserve, Inc. All rights reserved. Ntingda nan USA. Kamanaman ong Lokaiahn Wai: 6/19. Kamanaman ong Kawehwe: 6/19. Kawehwepen Padahk kan en nan Ehu Ehu Sounpwong ong Kakehlepen me Pwulopwul kan, Septempe 2025. Pohnpeian. 19626 885