Klumech er a bek el buil Kirel a Klisichir a RengeasekOngetiu el Buil 2025
A Jesus Kristo a dirrek el ngara Ikel Ungil Sils
Sel di lungil besul a rokui er a klengar kid, e kede mekerang e melemolem osenged el bedul Osobel? A ikakid a bebil er a uldasou.
Ka momtab omko a sechelim a soal lobengkem sel ngarngii a ringel er a klengar ngii e sola mengeroid er ngii er kau sel ungil besul el ngara deureng. Ngungil deleuill? Ng diak el sal.
Kede locha uaisei el mo er a Osobel— osiik er Ngii sel dengara ringel e obes er Ngii sel ungil besud?
Kede blechoel mesaod el kirel a Jesus Kristo lolngeseu er kid er a chelsel a meringel taem, le kede locha bek el chad, el mla soiseb er a meringel taem.
Eng di ngarngii a bebil er a klebesei—sandei a lechub eng rak, el de ngeltengat—el di ungil besul a klengar kid. Ea bebil er a taem e kede obes er a Osobel er a chelsel aikaikid lungil taem. A rechad er a chelsel a Babier er a Mormon a mle uaisei. Ng mlo ungil beserir er a klengeltengat er Dios el telkib el taem e sola siliseb er a kldidai el reng e obes er Ngii.
A ungil taem el de ngara chelsel a diak el belkul a kmo kede di kiul mo diak dousbech er a Jesus Kristo. Aikel taem lungil besud a kmal ungil techall el de ngara deureng lobengkel Osobel, ng diak dobes er Ngii.
A leuaisei e kede mekerang e melemolem el kmeed er a Jesus Kristo me a Demad er a Babeluades sel sekum a ongarm a diak le bekletkid lobult el mo er Tir?
Molemolem loba Ngariou el reng
Sel ungil besul a rokui er kid, e ngungil a de ngara deureng er a klengeltengat me a bla dekedmokl tekoi. Eng di lak mobes el kmo ng techa mle uchul e ke mlo uaisei. A King Benjamin a dulii er tiakid el teletael er a chelsel a Babier er a Momron:
“Le kid el rokui, ng diak di dekosiki? Ng diak derokui lultuil er a osisiu el Chad, el ngii a Dios, er a ikel rokui el ngarngii er kid, a kall me a bail, me a kolt, me a silver, me a rokui el bedengel a ilteet el dolab?” (Mosiah 4:19).
Sel le ngariou a rengud er a klungiaol dengai e dolbedebek aikel blal ruul a Chedam er a Babeluades me a Jesus Kristo el kired a kot el bedochel teletael el doldanges er Tir.
Molemolem el Mereng a Saul
A omereng el saul a kot el ngaruchei el techil a kldidai el reng. A omereng el saul el mo er a Dios a ngosukau el melbedebek er Ngii me a ikel rokui el Ngii me a Ngelekel a mla remuul kirem. Tia kmal bedochel er a chelsel a ungil me a meringel taem er a klengar.
Molemolem el Klekar
A tara kmal kodil a Diablong a ”mengesuseu e mekekokil mengetakl er kau el mo cheroid”(2 Nephi 28:21). Ng belkul a kmo, ng kmal soal sel ungil a rengum e selbechakl er a chelsel aikel ungil taem me kobes aikel meklou a belkul tekoi. A leuaisei, e lak mobes er a Dios! Sel mcheroid er a kodil a cherarou me a ongetikaik er ngii luldimukl aikel ungil taem er a klengar kau, eng sebechem el kmeed er a Chedam er a Babeluades me a Jesus Kristo.
Ungil mnegkar a Sib, mla er a Michael Malm
Molemolem Lomes el Bedul a Kristo
A President Russell M. Nelson a ulisechakl: “Se el sekum a moktek er a klengar er kid a ngara uldasou er a mo suobel … me a Jesus Kristo me a ebangkelio er Ngii, eng sebeched el mo melechesuar a deureng el diak el iior er a ike el ngii a mla duubech—me a lechub e ng diak el bol duubech—er a klengar er kid. A deureng a mei el Ngii a uchul. Ngii a uchul a rokui el deureng.”
Ke blechoel melbedebek er tial klemerang el kirel a deureng sel lungil besul a rokui er a klengar kau? Tia diak di el tekoi el kirel aikel meringel taem er a klengar. Ng melemolem el klemerang, luldimukl er a ikel kot lungil sils er a klengar kid. A leuaisei, e bo er sel tkul er bab el sebechem lomes el bedul a Kirsto, a ikel ungil me a mkengit el sils.
© 2025 lokiu Intellectual Reserve, Inc.All rights reserved. Milluches er a USA. Kengei er a English: 6/19. Kengei er a Oidel: 6/19. Oidel a Klumech el kirir a Rengeasek er a Bek el buil, September 2025. Palauan. 19626 881