Исус Христос е и за добрите денови исто така

Кога работите одат добро, добро е да се прослават вашите благослови и достигнувања. Но не заборавите кој ви овозможи да бидете таму каде што сте. Царот Бенџамин го кажал ова во неговата проповед во Книгата на Мормон:

„Зашто ете, зарем не сме сите ние просјаци? Зарем не зависиме сите од истото Суштество, имено од Бога, за сето богатство што го поседуваме, и за храната и за облеката, и за златото, и за среброто, и за богатството од секаков вид што го имаме?“ (Мосија 4:19).

Да се биде скромен за вашиот успех преку сеќавањето на тоа што Небесниот Отец и Исус Христос сториле за вас е одличен начин да Ги вклучите во вашите добри времиња.

Благодарноста е еден од најдобрите противотрови за гордоста и заборавот. Благодарноста кон Бога ќе ви помогне да се сетите на Него и на сето добро што Тој и Неговиот Син го прават во вашиот живот. Ова е исто толку ефикасно во добри времиња како што е во тешки времиња.

Еден од омилените напади на Сатаната е да „ги смири, и улулка, во телесна безбедност“ (2 Нефи 28:21). Со други зборови, тој би сакал да се чувствувате толку задоволен и безбедни во добрите времиња што ќе заборавите што е најважно. Затоа, не го заборавајте Бога! Кога ќе останете свесни за суптилните трикови на непријателот и ќе им се спротивставите дури и за време на добрите времиња, можете да останете блиску до Небесниот Отец и Исус Христос.

Претседател Расел М. Нелсон поучуваше: „Кога фокусот на нашите животи е на Божјиот план за спасение … и на Исус Христос и на Неговото евангелие, можеме да почувствуваме радост без разлика на тоа што се случува—или не се случува—во нашите животи. Радоста доаѓа од и поради Него. Тој е изворот на сета радост“.

Колку често помислувате на оваа вистина за радоста кога животот оди добро? Ова не е само утешителен совет во време кога работите се тешки. Ова е вистина секогаш, вклучувајќи ги и најдобрите денови. Затоа направете сé што можете за да се фокусирате на Христос, во добро и лошо.