იესო ქრისტე კარგი დღეებისთვისაც არის

როცა ყველაფერი კარგად მიდის, კარგია ადიდო შენი დალოცვები და მიღწევები. მაგრამ არ დაგავიწყდეს, ვინ გახადა შესაძლებელი შენთვის, იყო იქ, სადაც ამჟამად იმყოფები. მეფე ბენიამინმა მორმონის წიგნიდან ასე თქვა თავის ქადაგებაში:

„რადგან, აჰა, განა ყველანი მათხოვრები არ ვართ? განა არ ვართ ყველანი დამოკიდებულნი ერთსა და იმავე არსებაზე, ღმერთზე, ყველანაირი ქონებისთვის, რაც გაგვაჩნია, საკვებისა და სამოსისთვის და ოქროსა და ვერცხლისთვის; და ყველანაირი სიმდიდრისათვის, რაც გაგვაჩნია“? (მოსია 4:19).

წარმატების ჟამს თავმდაბლობა და არდავიწყება იმისა, თუ რა მოიმოქმედეს მამაზეციერმა და იესო ქრისტემ შენთვის, არის შესანიშნავი ხერხი იმისთვის, რომ ისინი შენს ცხოვრებაში ბედნიერების ჟამსაც ჩართო.

მადლიერება ამპარტავნობისა და გულმავიწყობის საუკეთესო ანტიდოტია. ღვთის მიმართ მადლიერება დაგეხმარებათ, გახსოვდეთ იგი, მისი და მისი ძის მიერ თქვენს ცხოვრებაში მოვლენილი ყოველისიკეთე. ეს ხერხი ეფექტურია როგორც ბედნიერი, ისე მძიმე დღეების ჟამს.

სატანის ერთ-ერთი ყველაზე საყვარელი შეტევაა „დაგაწყნაროთ] და და[გამშვიდოთ] ხორციელი სიმშვიდით“ (2 ნეფი 28:21). სხვა სიტყვებით რომ ვთქვათ, მას ძლიერ სურს, იმდენად კმაყოფილად და უსაფრთხოდ იგრძნოთ თავი ბედნიერების ჟამს, რომ დაგავიწყდეთ ყველაზე მნიშვნელოვანი რამ. ასე რომ, არ დაივიწყოთ ღმერთი! როცა ფხიზლად ხარ, მოწინააღმდეგის დახვეწილ ხრიკებს აცნობიერებ და მათ ეწინააღმდეგები, ბედნიერი დღეების ჟამსაც კი, შენ მამაზაციერთან და იესო ქრისტესთან სიახლოვეში რჩები.

პრეზიდენტმა რასელ მ. ნელსონმა გვასწავლა: „როცა ჩვენი ცხოვრება ფოკუსირებულია ღმერთის ხსნის გეგმაზე, იესო ქრისტეზე და მის სახარებაზე, ჩვენ შეგვიძლია ვიგრძნოთ სიხარული, მიუხედავად იმისა, ხდება რამე ჩვენს ცხოვრებაში თუ არა“. სიხარული მოდის მისგან და მის გამო. იგი ყოველივე სიხარულის წყაროა“.

რაოდენ ხშირად ფიქრობთ ამ ჭეშმარიტებაზე სიხარულის შესახებ, როცა ცხოვრება კარგად მიდის? ეს არ არის უბრალოდ ნუგეშის მომგვრელი რჩევა მძიმე პერიოდისთვის. ეს ყოველთვის ჭეშმარიტია, საუკეთესო დღეების ჟამსაც კი. ასე რომ, რაც არ უნდა მოხდეს, ყველაფერი გააკეთეთ იმისთვის, რომ დარჩეთ ფოკუსირებულნი ქრისტეზე.