Porous Iteiten Maram Ren ewe Pochokunen SarafoSeptember 2025
Jises Kraist pwan fan iten ekkewe ran mi murinno
Nupwen ekkewe mettoch ra fetanoch, ifa ussun ach sipwe sopweno ne anonga ach ekiek won ewe Chon Amanau? Ikkei ekkoch ekiek.
Ekieki ika emon friend a chok awora an fansoun ngonuk nupwen ra osukosuk me amonungaw sonuk ika ra pwapwa. Nefinen chiechi mi murinno? Ese konien.
Kich sia fen fori ena ngeni ach Chon Amanau—kutta I non ekkewe fansoun mi weires me nemenono I non ekkewe fansoun mi murinno?
Sia porous chommong won ifa ussun an Jises Kraist a anisi kich non ach fansoun mi weires, meni pokiten meinisin, non ew fansoun ika pwan ew ra mesengeni ekkewe mettoch mi weires.
Nge mi wor ekkoch ran—wik ika fen pwan ier, ika sia sereoch—ikewe kewe mettoch ra fokkun fetanoch. Fan ekkoch sia nemenano ewe Chon Amanau non ekkei fansoun. Ekkewe aramasen ewe Puken Mormon ra fori. Ir ra feioch seni an Kot feioch ren ew fansoun nge mwirin ra feiengaw ren namanam tekia nupwen ra nemenano I.
Fansoun mi murinno esap wewen pwe a mwitir ach sise chiwen mochen Jises Krasist. Fansoun tufich ekkewe unusochun fansoun ne mefi watten pwapwa fiti ewe Chon Amanau, esap nemenano I.
Iwe ifa ussun sipwe chufengen me Jises Kraist me Samach won Nang nupwen kewe sosot rese achema ngenikich ach sipwe kun Ngenir?
Sipwe Tepetekison
Nupwen kewe mettoch ra fetanoch, a murinno epwe wor apwapwan om kewe feioch me angang murinno. Nge kosap nemenano ion a fori tufichin om kopwe nom ian ka nom ian iei. King Banjamin a anomu an epwe iei ussun non an afanafanen Puken Mormon.
“Pun nengeni, esap kich meinisin chon tingor fetan? Esap kich meinisin sia anongonong won ewe chok Emon, i ewe Kot, ren ekkewe pisek meinisin minne a wor rech, ren mwongo me uf, me ren gold, me ren silver, me ren ekkewe pisekisek meinisin minne a wor rech seni ew me ew sokkun nikinik?” (Mosiah 4:19).
Om kopwe tekisoson ussun om tufich seni om chechemeni met Samach Kot won Nang me Jises Kraist ra fen fori fan itom ew watten an ne apacheronong non om kewe fansoun mi murinno.
Sopweno ne Kinisou
Memefin kinisou ren ekkewe mettoch mi murinno non manauach mi ew me nein ekkewe murinon epetin namanam tekian ekiek me monuk. Kinisou ngeni Kot epwe anisuk om kopwe chemeni I me meinisin murinon mettoch I me Noun We ra fori non manauom. Iei chok met a pochokun manamanan non kewe fansoun mi murinno ussun pwan non fansoun weires.
Sopweno ne Mamasaochu
Ew me nein an Setan kewe angangen fiu ngeni an epwe “chachari, me emichimichi [kemino] ngeni tumunun mochenin fonufan” (2 Nephi 28:21). Pwan non ew ititin, i a sani ika ka mefi menemenoch me tumun non om kewe murinon fansoun ka monukano met a kon auchea. Iwe, kosap monuki Kot! Nupwen ka chok sopweno ne mamasaochu an ewe chon u ngeni angangen asoson me pochokun ngenir pwan mwo fansoun om kewe murinon fansoun, ka tongeni sopweno ne arap ngeni Samach won Nang me Jises Kraist.
Ewe Chon Masen Siip mi Murinno, seni Michael Malm
Sopweno ne Anomu Kraist Nukanapen om Ekiek
Preseten Russell M. Nelson a afanafana: “Nupwen auchean ekiekin manauach a nom won an Kot kokkoten manau ese much … me Jises Kraist me An kapas allim, sia tongeni mefi pwapwa ikamo ese nifinifin met mi fis—are ese fis—non manauach. Pwapwa mi feito seni me pokiten I. I ewe popun pwapwa meinisin.”
Ifa ukukun om ekieki ussun ei ennet ussun pwapwa nupwen manau mi fetanoch? Ei esap chok kapasen ourur nupwen ekkewe mettoch ra osukosuk. Mi pung, pachenong om kewe ran mi murinno fansoun meinisin. Iwe fori met ka tongeni fori ne anonga om ekiek won Kraist, kopwe ngaseno seni met a epeti om kopwe fetanoch.
© 2025 seni Intellectual Reserve, Inc. Meinisin pung mi kawor. Mi katou non USA. Kapunguno non fosun Merika: 6/19. Kapungunon chiakun: 6/19. Chiakun porous Iteiten Maram Ren ewe Pochokunen Sarafo, September 2025. Chuukese. 19626 901