ኢየሱስ ክርስቶስ ለመልካም ቀናትም ጭምር ነው

ነገሮች መልካም በሆኑበት ጊዜያት፣ በረከቶቻችሁን እና ስኬቶቻችሁን ማወደስ መልካም ነው። ነገር ግን አሁን ባላችሁበት ስፍራ ላይ መገኛኘታችሁን እውን ያደረገላችሁን አትርሱ። በመጽሀፈ ሞርሞን ስብከቱ ላይ ንጉስ ቢንያም በዚህ መልኩ አስቀምጦታል፦

“እነሆም ሁላችንስ ለማኞች አይደለንምን? ሁላችንም ባሉን ቁሳቁሶች ሁሉ፣ በምግብና በልብስ፣ እንዲሁም በወርቅና፣ በብር፣ እናም ከሁሉም አይነት ባሉን ሀብቶች በአንዱስ ፍጡር፣ እንዲሁም በእግዚአብሔር ጥገኞች አይደለንምን?” (ሞዛያ 4፥19)።

በስኬቶቻችሁ ጊዜያት የሰማይ አባት እና ኢየሱስ ክርስቶስ ያደረጉላችሁን ነገሮች በማስታወስ ትሁት መሆን፣ እነርሱን በመልካም ጊዜያቶቻችሁ የማካተት ታላቅ መንገድ ነው።

አመስጋኝነት ለትእቢት እና ለዝንጉነት ተቃራኒ ከሆኑት አንዱ ነው። እግዚአብሔርን ማመስገን፣ እርሱ እና ልጁ በህይወታችሁ ያደረጉላችሁን ነገሮች ለማስታወስ ይረዷችኋል። ይህ እንደ አስቸጋሪዎቹ ጊዜያት ሆነ በመልካም ቀናት ውጤታማ ነው።

ከሰይጣን ማጥቂያ መንገዶች አንዱ ‘’ወደ ስጋዊ ደህንነት [እናንተን ማባበል ነው]’’ (2 ኔፊ 28፥21)። በሌላ አባባል፣ በመልካም ጊዜያቶቻችሁ እጅግ አስፈላጊ የሆኑትን በመርሳት ስትረኩ እና ደህንነት ሲሰማችሁ እርሱ ይህንን ይወዳል። ስለዚህ፣ እግዚአብሔርን አትርሱ! የፈታኙን አስከፊ ብልሃቶች ባወቃችሁ ጊዜ እና በመልካም ቀናቶቻችሁ ስትቋቋማቸው፣ ወደ ሰማይ አባት እና ወደ ኢየሱስ ክርስቶስ ይበልጥ መቅረብ ትችላላችሁ።

ፕሬዚዳንት ራስል ኤም. ኔልሰን እንዳስተማሩት፣ “የህይወታችን ትኩረት በእግዚአብሔር የደህንነት እቅድ … እና በኢየሱስ ክርስቶስና በወንጌሉ ላይ ሲሆን፣ በህይወታችን ከተከሰተውም ወይም ካልተከሰተውም ሁኔታ ባሻገር ደስታ ሊሰማን ይችላል።” ደስታ ከእርሱና በእርሱ ምክንያት ይመጣል። እርሱ የደስታ ሁሉ ምንጭ ነው።’’

ህይወት በመልካም በሚሄድበት ጊዜ ስለእርሱ እውነት ምን ያህል ታስባላችሁ? ነገሮች ከባድ በሚሆኑበት ጊዜ ብቻ የሚያጽናና ምክር አይደለም። ልዩ ቀናቶቻችሁንም ጨምሮ፣ ይህ ሁል ጊዜ እውነት ነው። ስለዚህ መጥፎም ይምጣ መልካም፣ በክርስቶስ ለማተኮር ማድረግ የምትችሉትን አድርጉ።