Meu na kila vakacava niu sa veivutuni vakaidina ka sa vosoti?

Vuki mai ena Dua na Veisau Taucoko, mai vei Jenedy Paige

E tukuna na Turaga: “Raica ko koya sa veivutunitaka na nona ivalavala ca, ena vosoti, ia koi au na Turaga, au na sega ni nanuma tale na nona ivalavala ca.

“Raica oqo ga na sala dou na kila kina na tamata sa veivutuni vakaidina—ena tusanaka na nona ivalavala ca, ka biuta laivi sara vakadua” (Vunau kei na Veiyalayalati 58:43).

Mai na veivutuni dina, eda na rawata kina na veivosoti. “Nio vakila na vakacegu mai vua na Yalo, e rawa nio kila ni kaukauwa ni veisorovaki ni iVakabula sa cakacaka tiko e na nomu bula.” Kevaka eda na sikalutu tale, eda na rawa ni veivutuni tale, vosoti, ka tovolea tikoga.

Me kena ikuri, sa vakavulica o Elder Dieter F. Uchtdorf ena Kuoramu ni iApositolo Le Tinikarua: “Ena tovolea o Setani me vakavuna me da vakabauta ni sega ni vosoti na noda ivalavala ca baleta nida nanuma tiko. E dau lasu o Setani. E sega ni yalataka na Kalou nida na sega ni nanuma na noda ivalavala ca. Na noda nanuma tiko ena vukei keda meda kua ni cakava tale na cala vata oya. Ia kevaka eda na dina tikoga ka yalodina, ena vakamalumalumutaki na vakanananu ni noda ivalavala ca ena toso ni gauna.”