Ifa ussun ai upwe tongeni sinei ika uwa ennetin aier me musono?

Coming Full Circle, seni Jenedy Page

Ewe Samon a apasa: “I ewe a fen aier seni an kewe tipis, pwan ina chok ussun an epwe musono, me Ngang, ewe Samon, use chiwen chechemenir.

“Ren ei oupwe sinei ika emon a aier seni an kewe tipis—nengeni, i epwe pwarata tipisin me pwan nikitireno” (Doctrine and Covenants 58:42–43).

Seni ennetin aier, sia tongeni angei omusomus. “Nupwen ka mefi kinamwe seni ewe Ngun, ka tongeni sinei pwe ewe manamanen achasefan An ewe Chon Amanau a angang non manauom.” Me ika sia mitino sefan, sia tongeni aier sefan, kopwe achocho ne sotuni.

Non kapachetan, Elter Dieter F. Uchtdorf seni ewe Mwichen ekkewe Engon me Ruemon Aposel osukuna: “Setan epwe sotuni ne fori ami oupwe nuku pwe ach kewe tipis rese musono pokuten kich sia tongeni chechemenir. Setan i emon mi mwaken. … Kot ese pwon pwe kich sisap chechemeni ach kewe tipis. Chechemeni epwe anisikich ach sipwe ponuku ach sipwe fori sefani pwan ewe chok mwan. Nge ika sia ennet me nikitu, achechemen ach kewe tipis repwe kinaweino non fansoun.”