Iaduwen atail kak momour pohn sampah oh “pwilikihdi mour en sampah”?

Irail Tohn Papah Me E Ketin Piladahr, by Casey Childs

Kauno masaniher, “Kumwail kaliksang kumwail dikedik en sampah kan, oh rapahki soahng me mwahu kan” (Doctrine and Covenants 25:10). Met sohte wewehki me kitail pahn pohnsesehla atail anahn en paliwar akan, ahpw e wewehki me kitail sohte pahn noaroke kepwepwela, pwukoah, de utuht en sampah. Iet ekei kosnoned me kitail padahki ni atail momour pohn sampah:

Alehda wehin Koht mahs. “Eri, kumwail rapahki mahs Wehin Koht oh dahme e kin ketin kupwurki” (Madiu 6:33). Nan atail mohngiong oh atail mour, kosonned en Koht oh atail inou kan me keiou kesempwal mahs.

Rapahki mahs loalokong. “Ni amwail pahn esehla duwen sampah, kasukuhlki duwen Soundoaro. … Ni ahmw pahn esehla laud, lapalahn sawas laud ni ohmw pahn sewese sapwlelimen Koht wehi oh sewese sampah en mwahula” (For the Strength of Youth: A Guide for Making Choices [2022], 31, 32).

Doadoahk. “Doadoahk keiou kesempwal nan kosonned en rongamwahuo. E kin sewese kakeirkitailda oh kalaudehla atail koahiek. … Kauno ketin sohte ketin kupwurkite kitail en kakahirada peneinei ahpw en kak patehng wiahda mehkot mwahu’ [Doctrine and Covenants 58:27]” (“Employment,” Topics and Questions, Gospel Library).