Mekerang a de kiei er a beluulechad e “dongeroid er kid er a tekingel tial beluulechad”?

Tirkel Mesiungel el Ngii a Blal Lolilt er Tir, mlara Casey Childs

A Rubak a melekoi, “Bom bechei a tekingel tial beluuechad, e mosiik a lmuut el lungil” (Doctrine me a Covenants 25:10). Tia diak el belkul e kmo kede obes a usbeched er a klengar, ngdi a belkul e kmo ngdiak kede dotuil a rengud er a ilteet, klisiich, ngerachel, malechub eng soal a beluulechad. A ikakid a bebil er a suobel el bla de mosisechakl el kirel a de kiei er a beluulechad:

Mngai a tekingel a Dios elmo ruchei. “Bol blak a rengmiu er a rengedel a Dios, me a ikel soal” (Mateus 6:33). Ngara elsel a rengud ma klengar er kid, a lechul a Dios me a telbiled el Lobengkel ea kot el ngaruchei.

Bol blak a rengmiu el mesuub. “Mesel mosuub el kirel tial beluulechad el meliuekl er kau, e ke mesuub el kirel Osobel. … Mesel mengai elmo medengei, e ke mengai elmo sebechem el lolengeseu el mengetmokl er a rengedel a Dios e meruul er a beluulechad elmo ungil” (For the Strength of Youth: A Guide for Making Choices [2022], 31, 32).

Ureor “Ureor a klou a belkul er a osisecheklel a ebangkelio. Ng mekdebechii a ulekerool e smisichid. … A Rubak a diak el dil soal kid e dongetmokl a delengchekled ngdi kede mo ‘blak a rengud el louedikel el kirel a ungil tekoi’ [Doctrine me a Covenants 58:27]” (“Employment,” Topics and Questions, Gospel Library).