Sap ngak Kristus

Ragag nge medlup-e duw-ku Kailey me m’adad nga loelgen nib almarin napan nib mang ko reb e ulung ko cheerleading. Npan ni tilag e sikul ninge soen nag ir nge gol, ma’i yib e kirban’ ngak u tabinaw. Ii kirban’ md’ani nang ko mani’ e nga’i fith e ayuw ngak. Ma bay reb e fagar ni’i yoeg ngak nsana mangil ninge matal ko tamachib. Rafiled ngak mornga’agen fare Bayul rok’ Yesus Kristus. Iyib e athamgil ngak npan ni’i fil mornga’agen Kristus, ma’i thamiy pa’ Got.

I yoeg Kailey ngak e nina’ rok’, “dawrug thamiy ba’id a adag rok Got ngog. Machane chiney e kug nang ni Ir eri b’adageg.”

Nina’ rok, ni Michelle, e ke gin owchan ngay. Ir nge pum’on rok, Brock, e dakur unew ko Fare Galasia ni fan ko Gidii’en Got ko tin Tomur-e Rran npan nib meruk e duw ku Kailey ni bochane, boch e duwer, nge magfan’ rorow. Miyow laminag ni bpin nifak row e ra’i falflaen’ ni fa’anra dar nang e tin nibe buchbuch ko mo’olung nge urngin fapi motochiyel. D’anra lamnigew ko ngiyal’ nef ni rogon nikar gagiyog nigew e tafiney rorow era tilag e tha’ u thalin Kailey nge Got. Michelle nge Brock e ur guyew nike thil Kailey, mabngan’row nike n’uw napan ni dakur thamiyew Got nib chuchgur ngorow, miyow b’adag ningar thamiyew biyay.

Ramada’gad e bishof, madawi n’uw napan me ’un urngin e tabinaw, nib m’un Kailey nge walagin nib pagal ngay, Breaden, ngar suled ko galasia. Thamiy ningar chuchgurgad ku Got nge tha’ rorad Ngak—u fathik e meybil—e fulweg e mich rorad. Wub rorad nga galasia e d’ani fulweg e thin ko duwer fa m’anag e magfan’ rorad, machane kar ninged ni tha’ rorad ngak Got e rib t’uf.

Gubin e pin’ey ni t’ab nibochan reb e fagar—reb e fal’yangren ni woed gur—ni pining Kailey ninge sap ngak Kristus. Me rrin!

Me g’ar Yesus Kristus ngodaed, “Musap ngog ni gubin ngiyal’; dabi marwaer u wun’uy, fa mu rusgad” (Doctrine and Covenants 6:36 Iraray mornga’agen e biney e theme ko athamgil nifan e Fal’yangren ko 2025. Bing e kanawo’ ngomad ngug weliyed mornga’agen e liyoer nge mich ngak Kristus ni dariy murus riy:

Tamara W. Runia

Napan nigura gafgow, ma ra’i ayuwegneg ni fa’anra gura laminag pa’ Yesus Kristus nibe ki’eg ngog. Napan ni gura sap Ngak, mab ngan’ug e thin ko fare tang, “Rag ’Un ngak Yesus ko Wok’”: “Ma Ir e dabi n’ageg, ni demturug ni fa’anra gura mul.”

Emily Belle Freeman

Napan ni gura bi’eg ere theme ney ko chep nib thothup, mab ngan’ug Peter u dakean e Daay U Galilee. Mitngan’ ko yiko’ me yib e murus ngak nib alamrin, ni ligil nga maday. Machane napan ni sapeg owchan ngak fare Tathapeg me rin’ banen’ ni dawri Rin’ bi’id : yan u dakaen e ran! Ma riyul’, ni rib mangil. Mang e gara rin’ e chiney napan ni gabe sap Ngak?

Andrea Muñoz Spannaus

Napan ni rayib e tamdag ngog, ni demturug ko gin ni gubay riy fa mang e gube rin’, mab ngan’ug rogon e tha’ rog ngak e Chitamangig nu Tharmiy nge Yesus Kristus. Guma yan riy u tafiney roeg ni b’or yay: I GAG E BPIN NIFAK GOT. Guma rrin’ nge mada’ ko ngiyal’ nikug thamiy nike fael’ rogog. Gubin yay mamayib anggin e biney!

Bradley R. Wilcox

Mfith ngom ko mani’ e rib t’uf rom rok’ mab adagem. Gallabthir roem nge pich’an nibga’ lungunrad ko Galasia? Fa girdii’ u social media nike mus nigure kurebe mathe’eg ngorad? Musap ngak Chitamangindad nu Tharmiy nge Kristus. Ragadad bt’uf rorow!

Steven J. Lund

Mu tay ngan’um e pin’ey napan nigara bi’eg fare theme ko Aaronic Priesthood Quorum nge Young Women: Gimed e bitir ni pagal nge bpin e rigimed bt’uf rok’ Got. Mu ch’ariy e mich roem ma dam patlin nibay e murwel ko Chitamamngim nifan ngom. Sapag owchidad ngak Kristus e be yip fan fare Bayul Rok’ nibay u lukun ko murwel rok nibe gagiyeag nag rogon.

Michael T. Nelson

Rawoed nigabe sap ngak Kristus ni fa’anra ra’um bi’eg fapi chep nib thothup! M’agfan’ nge tamdag era chuw ni fa’anra rab ngan’dad dafi m’ang’ang nge machib rok’ Yesus. Ragadad btaw’ath nike pat e thin Rok’ ngodad. Nrib t’uf ngodad ko gubin banen’ nigadbe yan riy u lane yofas rodad.