Fare Paluk’af

Moses ni ke yaen nga Farao nge fith ngak’ ni nge pag fapi sib nib Israelite. Farao ni dabun. Fare Somoel nike pii’ fapi gafgow ngak’’ Egypt, machane fare Farao nike yoeg danga’.

Fare Somoel nike yoeg ir ra pii’ ta’areb reb e gafgow. Urngin bin ba ilal i fak nib mo’on u Egypt ni ra yim’. Machane fa’an e gidii’ nu Israel nira folgad e fonow, gafgow nem ni dabi buch ngoraed.

Somel nike yoeg ngak’ fapi gidii’ nu Israel thingari miligach e saaf nib mo’on nib machalbog nge fek e racha’ rok fare saaf nge paint nag ngalang e maab roraed.

Ke yib e gafgow. Gubin bin ba ilal i fak nib mo’on roraed Egypt ni ke yim’, ni tay e bu’un e fak Farao. Machane gubin bin ba ilal i fak nib mo’on roraed e gidii’ nu Israel kar thapeged bachane ni kar folgad fare Somoel.

Farao ke non ngak’ Moses nge gidii’ nu Israel ni ngar chuw Egypt. Machane ke puwaen’ Farao. Ir nge salthaw rok’ kar l’oel’oeg ngoraed.

Fare gidii’ nu Israel kar pared u Red Sea. Napan ni kar guyed fapi gidii’ nu Egypt ni kar yib ngoraed, ni kar murus gad. Moses ni ke weliy fare Somoel ra yororiyrad.

Moses nike chibiy nga lang e ley i sog, nge fare Somoel nike ki’yag e day. Fapi gidii’ nu Israel ni kar ranoed udakaen’ e but’ nib malik.

Napan e gidii’ nu Israel ni kar yaen nga wuru’ e day, ke mul e raen nga but’ nge lamuch nag e salthaw. Kar paged e gidii’ nu Israel.

Babyor ni Yima Achay Yaʼan

Yesus Kristus ke Faskoyam’ Nifan Ngog

Sasing yib rok’ Audrey Day. Rayog ni ngam kopi nag kemus nifan e ngongol u Galasia.

Mang gaba rrin’ e rayog mu tay u wun’um Yesus Kristus biney e Easter nge gubin e duw?