பஸ்கா பண்டிகை

மோசே பார்வோனிடம் சென்று, இஸ்ரவேலர்களை அடிமைத்தனத்திலிருந்து விடுவிக்குமாறு அவனிடம் கேட்டான். பார்வோன் மறுத்துவிட்டான். கர்த்தர் எகிப்திற்கு கொள்ளைநோயை அனுப்பினார், ஆனாலும் பார்வோன் இன்னும் மறுத்துக்கொண்டே இருந்தான்.

கர்த்தர் தாம் ஒரு கடைசி கொள்ளைநோயை அனுப்புவதாகக் கூறினார். எகிப்தில் உள்ள ஒவ்வொரு குடும்பத்திலும் முதல் பிறந்த குழந்தை இறந்துவிடும். இஸ்ரவேலர்கள் அவருடைய அறிவுறுத்தல்களைப் பின்பற்றினால், கொள்ளைநோய் அவர்களை கடந்து செல்லும்.

கர்த்தர் ஒவ்வொரு இஸ்ரவேல் குடும்பத்தையும் ஒரு சரியான ஆண் ஆட்டுக்குட்டியை பலியிடச் சொல்லி, ஆட்டுக்குட்டியின் இரத்தத்தை அவர்களின் வீட்டுவாசல் நிலைக்காலில் பூசச் சொன்னார்.

அந்த வாதை வந்தது. பார்வோனின் மூத்த மகன் உட்பட எகிப்தில் அனைத்து முதல் குழந்தைகளும் இறந்தனர். இஸ்ரவேலர் கர்த்தருக்குக் கீழ்ப்படிந்ததால் அவர்களின் முதல் குழந்தைகள் காக்கப்பட்டார்கள்.

பார்வோன் மோசேயிடமும் இஸ்ரவேலர்களிடமும் எகிப்தை விட்டு வெளியேறுமாறு கூறினான். ஆனால் பார்வோன் கோபமடைந்தான். அவனும் அவனுடைய இராணுவமும் அவர்களைத் துரத்திச் சென்றனர்.

இஸ்ரவேலர் செங்கடலருகில் முகாமிட்டனர். எகிப்தியர்கள் வருவதை அவர்கள் கண்டபோது, அவர்கள் பயந்தார்கள். கர்த்தர் அவர்களைப் பாதுகாப்பார் என்று மோசே கூறினான்.

மோசே தனது கோலை உயர்த்தினான், கர்த்தர் கடலைப் பிளந்தார். இஸ்ரவேலர்கள் உலர்ந்த தரை வழியாகக் கடந்து சென்றார்கள்.

அனைத்து இஸ்ரவேலரும் கடலின் மறுபக்கத்தில் பாதுகாப்பாக இருந்தபோது, தண்ணீர் கீழாக வந்து இராணுவத்தை மூழ்கடித்தது. இஸ்ரவேலர்கள் இறுதியாக சுதந்திரமாக இருந்தனர்.

வண்ணமிடும் பக்கம்

இயேசு கிறிஸ்து எனக்காக உயிர்த்தெழுந்தார்

ஆட்ரி டே-யின் சித்திரப்படங்கள். சபை பயன்பாட்டிற்காக மட்டுமே நகலெடுக்கப்படலாம்.

இந்த ஈஸ்டர் பண்டிகையிலும் மற்றும் ஆண்டு முழுவதிலும் இயேசு கிறிஸ்துவை நினைவுகூர நீங்கள் என்ன செய்யலாம்?