Te Pāsa

’Ua haere Mose e fārerei ia Phara’o ’e ’ua ani iāna ’ia vaiiho ti’amā i te mau tītī ’āti ’Īserā’ela. ’Ua pāto’i Phara’o. ’Ua tu’u mai te Fatu i te mau ma’i i ni’a ia ’Aiphiti, ’ua parau noa rā Phara’o ’aita.

’Ua parau te Fatu e tu’u mai ’oia i te hō’ē ma’i hope’a. E pohe te tamari’i matahiapo o te ’utuāfare tāta’itahi nō ’Aiphiti. Terā rā, mai te mea e ha’apa’o te mau ’āti ’Īserā’ela i tāna mau fa’auera’a, e nā ni’a a’e te ma’i ia rātou.

’Ua fa’aue te Fatu i te mau ’āti ’Īserā’ela ’ia fa’atūsia i te hō’ē ’ārenio oni maita’i roa a’e ’e ’ia pēni i te toto o te ’ārenio i ni’a i tō rātou mau ’ōpani.

’Ua tae mai te ma’i. ’Ua pohe te mau tamari’i matahiapo ato’a nō ’Aiphiti, ’oia ato’a te tamaiti a Phara’o. ’Ua fa’aorahia rā te mau tamari’i matahiapo ’āti ’Īserā’ela nō te mea ’ua ha’apa’o rātou i te parau a te Fatu.

’Ua parau Phara’o ia Mose ’e i te mau ’āti ’Īserā’ela ’ia fa’aru’e ia ’Aiphiti. ’Ua riri rā Phara’o. ’Ua tāpapa atu ’oia ’e tāna nu’u ia rātou.

’Ua pūhapa te mau ’āti ’Īserā’ela i pīha’i iho i te Miti ’Ute’ute. ’A ’ite ai rātou i te mau ’āti ’Aiphiti i te haerera’a mai, ’ua mata’u rātou. ’Ua parau Mose ē, e pāruru te Fatu ia rātou.

’Ua ’āfa’i Mose i tāna rā’au i ni’a, ’e ’ua vāhi te Fatu i te miti. Te mau ’āti ’Īserā’ela e haere ra nā te repo marō.

I te taera’a te mau ’āti ’Īserā’ela ma te pāruruhia i te tahi a’e pae o te miti, ’ua topa mai te pape ’e ’ua fa’aparemo te nu’u. I reira ’ua ti’amā te mau ’āti ’Īserā’ela.

’Api fa’a’ūra’a

’Ua ti’afa’ahou mai Iesu Mesia nō’u

Fa’ahōho’araa nā Audrey Day. E nehenehe e nene’ihia nō te fa’a’ohipa noa i te fare purera’a.

E aha tā ’oe e nehenehe e rave nō te ha’amana’o ia Iesu Mesia i teie Pāsa ’e i te matahiti tā’āto’a ?