Sarawihn Pahsohpa

Moses ketla rehn Parao oh peki en kasaledekala mehn Israel akan. Parao sohte dukieng. Kauno kadarala soumwahu laud ohng Isip, ahpw Parao pil ndahte soh.

Kauno mahsanih me E pahn pilehu kadarala keimwseklahn ehu soangen soumwahu. Mesenih koaros en peneinei kan nan Isip pahn mehla. Ahpw ma mehn Israel akan pahn idawehn Sapwellime kaweid kan, soumwahu wet pahn daulih irail.

Kauno mahsanihong mehn Israel akan en meirongkihla emen simpwul ohl oh litapwihki intahih pohn arail wenihmw akan.

Soumwahuo ahpw leledo. Mesenih koaros en Isip mehla, iangahki nein Parao kisin pwutako. Ahpw nein mehn Israel kan mesenih koaros mourla pwehki arail peikiong Kauno.

Parao ndahng Moses oh mehn Israel akan en kohkohsang nan Isip. Ahpw Parao inenen lingernger. Ih oh nah sounpei kan pwakih irail.

Mehn Israell kan pweidi ni Sehd Weitahtahu. Ansou me irail kilangada mehn Isip kan ahr pwakpwakihrail, irail masopwehkada. Moses mahsanih me Kauno pahn doareirailla.

Moses kauwada nah sokon o, oh Kauno ahpw pwalangpeseng sehdo. Mehn Israel kan alu pohn pwehl oh kotehla sehdo.

Ansou me mehn Israel akan lelehr elep sehdo oh pitlahr, pihlo pwurpene oh kaduhala sounpei ko. Mehn Israel akan pitilahr.

Doaropwehn Koalor

Sises Krais Iasadahr ong Ie.

Mahlen kan sang Audrey Day. Kak wiawihda koapi ongehte doadoahkepen Mwomwohdiso.

Dahme ke kak wia pwehn tamataman Sises Krais nan Ihster wet oh pahret pwon?