A Pasqua

A Moses a mlora Pharaoh e olengit er ngii mel bechiteterir a re sibai el chad er a Israel. A Pharaoh a oletngakl. A Rubak a oldurokl a rakt el mora Egypt, ngdi Pharaoh a melmolm el kmung ngdiak.

A Rubak a melekoi el Ngii a mo dureklii sel medechel el rakt. Ngkel ketengel el ngalk el mechell ra bekl el telungalk er a Egypt a mo mad. Eng di selkum me a rechad ra Israel a oltirakl a Tekingel, ea rakt a imiu er tir.

A Rubak a milekoi ra rechad er a Israel me bol lolenget er a erungel el sechal sib e longesberebel a resechel a sib ra bebul a chesmerir.

A rakt a mlei. A rokui el kot el ngalk er a Eygpt a mlad, luldimukl ra ngelekel a Pharaoh el sechal. Ngdi tirkel kot el ngalk ra rechad er a Israel a silobel le tir loltirakl er a Rubak.

A Pharaoh a melekoi ra Moses me a rechad er a Israel mel tobed er a Eygpt. Ngdi Pharaoh a mle kesib a rengul. Ngii me a re soldau er ngii a uleltoir er tir.

A rechad er a Israel a olenguul er a Red Sea. Sera lesterir a rechad er a Egypt el mermang, e te mlo medakt. A Moses a melekoi el Rubak a mo sobechekelterir.

A Moses a odersii a skersel, ea Rubak a mingii a daob. A rechad er a Israel a mo imuul el ngara medirt el chutem.

Sera rechad er a Israel eldi mlak el mekesakl ersel bitang er a daob, ea ikal ralm a merma riou el loros ra re soldau. A rechad er a Israel a kol mocha mimokl.

Babier lousbech a Kurreong

A Jesus Kristo a Milkiis er a Kodall el Kirek

Sunga el mlara Audrey Day. Locha sebechel moiuud el kirel a di usbechelel a Ikelesia.

Ngera sebechem el rulii el lotkii a Jesus Kristo er tial Pasqua me a rekil tial imol rak?