निस्तारको चाड

मोशा फारोकहाँ गए र इस्राएली दासहरूलाई मुक्त गर्न आग्रह गरे । फारोले अस्वीकार गरे । परमप्रभुले मिश्रदेशमा विपत्तिहरू पठाउनुभयो तर फारोले अझै पनि अस्वीकार गरे ।

उहाँले एउटा अन्तिम विपत्ति पठाउनुहुने छ भनेर परमप्रभुले बताउनुभयो । मिश्रदेशको प्रत्येक परिवारको जेठो सन्तान मर्ने छ । तर यदि इस्राएलीहरूले उहाँको निर्देशन पालना गरे भने, विपत्ति तिनीहरूमाथिबाट हट्ने छ ।

परमप्रभुले इस्राएलीहरूलाई एउटा पूर्ण भाले थुमा बलिदान दिन र तिनीहरूको ढोकामाथि थुमाको रगतले रङ्गाउन भन्नुभयो ।

महामारी आयो । फारोका छोरासहित मिश्रीका सबै जेठा सन्तानहरू मरे । तर इस्राएली जेठा सन्तानहरू बचे किनभने तिनीहरूले परमप्रभुको आज्ञा पालना गरे ।

फारोले मोशा र इस्राएलीहरूलाई मिश्र छोड्न भने । तर फारो क्रोधित भए । उनी र उनका सेनाले तिनीहरूलाई लखेटे ।

इस्राएलीहरूले लाल समुद्र नजिकै शिविर लगाए । जब तिनीहरूले मिश्रीहरूलाई आउँदै गरेको देखे, तिनीहरू डराए । परमप्रभुले तिनीहरूलाई रक्षा गर्नुहुने छ भनेर मोशाले बताए ।

मोशाले आफ्नो लौरो उठाए र परमप्रभुले समुद्रलाई दुई भागमा विभाजन गर्नुभयो । इस्राएलीहरूले सुख्खा जमिनमा समुद्र पार गरे ।

जब इस्राएलीहरू समुद्रको अर्को छेउमा सुरक्षित भए, पानी तल झर्यो र सेनाहरूलाई डुबायो । इस्राएलीहरू अन्ततः स्वतन्त्र भए ।

रङ्ग भर्ने पाना

येशू ख्रीष्ट मेरा लागि पुनरुत्थान हुनुभयो

अड्री डेद्वारा चित्रण । चर्चको प्रयोगका लागि मात्र प्रतिलिपि गर्न सकिन्छ ।

यस ईस्टर र वर्षभरि येशू ख्रीष्टलाई सम्झन तपाईं के गर्न सक्नुहुन्छ ?