« បុណ្យរំលង » ទស្សនាវដ្ដី ប្រិយមិត្ដ ខែមេសា ឆ្នាំ២០២៦ ទំព័រ៤៦–៤៨ ។
សារលិខិត ប្រិយមិត្ត ប្រចាំខែមេសា ឆ្នាំ២០២៦
បុណ្យរំលង
ម៉ូសេបានទៅគាល់ស្ដេចផារ៉ោន ហើយទូលសូមទ្រង់ឲ្យដោះលែងទាសករសាសន៍អ៊ីស្រាអែល ។ ស្ដេចផារ៉ោនបានបដិសេធ ។ ព្រះអម្ចាស់បានបញ្ជូនគ្រោះកាចនៅស្រុកអេស៊ីព្ទ ប៉ុន្ដែស្ដេចផារ៉ោននៅតែបដិសេធ ។
ព្រះអម្ចាស់បានមានព្រះបន្ទូលថា ទ្រង់នឹងធ្វើឲ្យមានគ្រោះកាចមួយចុងក្រោយ ។ កូនច្បងនៅគ្រប់ក្រុមគ្រួសារនៅក្នុងស្រុកអេស៊ីព្ទទាំងអស់នឹងស្លាប់ ។ ប្រសិនបើពួកសាសន៍អ៊ីស្រាអែលធ្វើតាមការណែនាំរបស់ទ្រង់ នោះគ្រោះកាចនេះនឹងរំលងហួសពួកគេ ។
ព្រះអម្ចាស់បានមានបន្ទូលថា ពួកសាសន៍អ៊ីស្រាអែលត្រូវបូជាកូនចៀមឈ្មោលដ៏ល្អឥតខ្ចោះមួយក្បាល ហើយលាបឈាមកូនចៀមនោះនៅលើទ្វារផ្ទះរបស់ពួកគេ ។
គ្រោះកាចបានមកដល់ ។ កូនច្បងសាសន៍អេស៊ីព្ទទាំងអស់បានស្លាប់ រួមទាំងបុត្រារបស់ផារ៉ោនដែរ ។ ប៉ុន្ដែ កូនច្បងរបស់សាសន៍អ៊ីស្រាអែលត្រូវបានសង្គ្រោះ ដោយសារពួកគេបានគោរពតាមព្រះអម្ចាស់ ។
ស្ដេចផារ៉ោនបានប្រាប់ម៉ូសេ និងអ៊ីស្រាអែលឲ្យចាកចេញពីស្រុកអេស៊ីព្ទ ។ ប៉ុន្ដែ ស្ដេចផារ៉ោនបានខឹង ។ ទ្រង់ និងកងទ័ពរបស់ទ្រង់បានដេញតាមពួកគេ ។
ពួកសាសន៍អ៊ីស្រាអែលបានបោះជំរំនៅឯសមុទ្រក្រហម ។ នៅពេលពួកគេបានឃើញពួកសាសន៍អេស៊ីព្ទមក នោះពួកគេបានភ័យខ្លាច ។ ម៉ូសេបាននិយាយថា ព្រះអម្ចាស់នឹងការពារពួកគេ ។
ម៉ូសេបានលើកដំបងរបស់លោកឡើង ហើយព្រះអម្ចាស់បានញែកទឹកសមុទ្រ ។ ពួកសាសន៍អ៊ីស្រាអែលបានឆ្លងនៅលើដីគោក ។
នៅពេលពួកសាសន៍អ៊ីស្រាអែលមានសុវត្ថិភាពនៅម្ខាងទៀតនៃសមុទ្រហើយ នោះទឹកបានធ្លាក់ចុះមកវិញ ហើយជន់លិចកងទ័ព ។ នៅទីបំផុត ពួកសាសន៍អ៊ីស្រាអែលមានសេរីភាព ។
ទំព័រផាត់ពណ៌
ព្រះយេស៊ូវគ្រីស្ទបានមានព្រះជន្មរស់ឡើងវិញសម្រាប់ខ្ញុំ ។
រចនារូបភាពដោយ អូឌ្រី ដេយ ។ អាចចម្លងសម្រាប់ការប្រើប្រាស់ក្នុងសាសនាចក្រតែប៉ុណ្ណោះ ។
តើបងប្អូនអាចធ្វើអ្វីបាន ដើម្បីចងចាំព្រះយេស៊ូវគ្រីស្ទនៅរដូវបុណ្យអ៊ីស្ទើរនេះ និងពេញមួយឆ្នាំ ?
© ឆ្នាំ២០២៦ by Intellectual Reserve, Inc. All rights reserved ។ បោះពុមព្ព នៅស.រ.អា. ការអនុម័តជាភាសាអង់គ្លេស ៖ ៦/១៩ ។ ការអនុម័តឲ្យបកប្រែ ៖៦/១៩ ។ ការបកប្រែនៃ Monthly The Friend Message, April 2026 ។ Cambodian. 20062 258