პასექი

მოსე მივიდა ფარაონთან და სთხოვა მას, გაეთავისუფლებინა ისრაელიელი მონები. ფარაონმა უარი უთხრა. უფალმა ეგვიპტეს სასჯელი მოუვლინა, მაგრამ ფარაონმა კვლავ უარი თქვა.

უფალმა განაცხადა, რომ კიდევ ერთ სასჯელს მოავლენდა. ყოველი ეგვიპტელი ოჯახის პირმშო მოკვდებოდა. მაგრამ თუ ისრაელიელები შეასრულებდნენ უფლის მითითებებს, მათ ეს სასჯელი არ შეეხებოდათ.

უფალმა უთხრა ისრაელიელებს, საღი, მამალი კრავი შეეწირათ და მისი სისხლი კარის ზედა ძელზე წაესვათ.

სასჯელი მოევლინა. ეგვიპტელთა ყოველი პირმშო მოკვდა, ფარაონის ვაჟის ჩათვლით. მაგრამ ისრაელიელთა პირმშოები გადარჩნენ, რადგან ისრაელიელები უფალს დაემორჩილდნენ.

ფარაონმა უთზრა მოსესა და ისრაელიელებს, დაეტოვებინათ ეგვიპტე. მაგრამ ფარაონი განრისხებული იყო. იგი ჯართან ერთად დაედევნა მათ.

ისრაელიელები წითელ ზღვასთან დაბანაკდნენ. როდესაც მათ ეგვიპტელები იხილეს, რომლებიც მათ უახლოვდებოდნენ, ისინი ძალზედ შეშინდნენ. მოსემ თქვა, რომ უფალი დაიცავდა მათ.

მოსემ აღმართა კვერთხი და უფალმა ზღვა გააპო. ისრაელიელებმა მშრალზე გამოიარეს.

როდესაც ისრაელიელელები ზღვის მეორე მხარეს უსაფრთხოდ იყვნენ, წყალი ჯარზე მოიქცა და ჩაახრჩო იგი. როგორც იქნა, ისრაელიელები თავისუფალნი იყვნენ.

გასაფერადებელი გვერდი

იესო ქრისტე აღდგა ჩემთვის.

ოდრი დეის ილუსტრაცია კოპირება დაშვებულია მხოლოდ ეკლესიაში გამოსაყენებლად.

რა შეგიძლიათ გააკეთოთ იმისთვის, რომ იესო ქრისტე ამ აღდგომას და მთელი წლის განმავლობაში გახსოვდეთ?