Ti Fiesta ti Paskua

Napan ni Moises ken ni Faraon ken kiniddawna kenkuana a mangwayawaya kadagiti adipen nga Israelita. Nagkedked ni Faraon. Nagibaon ti Apo kadagiti angol iti Egipto, ngem kinuna latta ni Faraon a saan.

Kinuna ti Apo a mangibaonto iti maudi a maysa nga angol. Matayto ti inauna nga anak ti tunggal pamilia iti Egipto. No suroten dagiti Israelita dagiti pangiturongna, aglabasto ti angol kadakuada.

Imbaga ti Apo kadagiti Israelita a mangisakripisioda iti maysa a lalaki a kordero nga awan pakapilawanna ket ipintada ti dara ti kordero iti ngato dagiti ruanganda.

Dimteng ti angol. Natay ti amin nga inauna nga anak iti Egipto, agraman ti inauna nga anak a lalaki ni Faraon. Naisalakan dagiti inauna nga anak dagiti Israelita gapu ta nagtungpalda iti Apo.

Imbaga ni Faraon ken ni Moises ken dagiti Israelita a pumanawda iti Egipto. Ngem nagpungtot ni Faraon. Kinamatna ken ti buyotna ida.

Nagkampo dagiti Israelita iti Nalabaga a Baybay. Idi nakitada a dumtengen dagiti Egipsio, nagbutengda. Kinuna ni Moises a salaknibanto ida ti Apo.

Inngato ni Moises ti sarukodna, ket pinagsina ti Apo ti baybay. Binallasiw dagiti Israelita ti namaga a daga.

Idi natalgeden dagiti Israelita iti maysa a bangir ti baybay, bimmaba ti danum ken nanglemmes iti buyot. Nawayawayaan dagiti Israelita iti kamaudiananna.

Panid ti Panagkolor

Nagungar ni Jesucristo para Kaniak

Panangiladawan ni Audrey Day. Mabalin a kopiaen para iti pakausaren laeng ti Simbaan.

Ania ti maaramidmo a manglagip ken ni Jesucristo iti daytoy a Paskua ti Panagungar ken iti unos ti tawen?