Emume Ngabiga Ahụ

Mosis gakwuuru Fero ma rịọ ya ka o mee ka ndị Izrel nwere onwe ha site n’ohu. Fero jụrụ ajụ. Onyenwe anyị zigara ọpịpịa niile na Ijipt, mana Fero ka jụkwara ajụ.

Onyenwe anyị kwuru na Ya ga-ezite otu ọpịpịa ikpeazụ. Nwa mbụ nke ezi na ụlọ ọbụla na Ijipt ga-anwụ. Mana ọ bụrụ na ụmụ Izrel gbasoro ntuziaka Ya niIle, ọpịpịa ahụ ga--agafe ha.

Onyenwe anyị gwara ụmụ Izrel ka ha were otu oke nwa atụrụ na-enweghị ntụpọ chụọ aja ma tee ọbara nke nwa atụrụ ahụ nʻelu ụzọ ha.

Ọpịpịa ahụ bịara. Ụmụ mbụ niile ndị Ijipt mụrụ nwụrụ, gụnyere nwa Fero nke nwoke. Mana ụmụ mbụ nke ụmụ Izrel ka azọpụtara niihi na ha rubeere Onyenwe anyị isi.

Fero gwara Mosis na ụmụ Izrel ka ha hapụ Ijipt. Mana Fero were iwe. Ya na ndị agha ya chụsoro ha.

Ụmụ Izrel gbakọrọ nʻOke osimiri Uhie. Mgbe ha hụrụ ka ndị Ijipt na-abịa, ụjọ tụrụ ha. Mosis kwuru na Onyenwe anyị ga-echekwa ha.

Mosis buliri mkpara ya, ma Onyenwe anyị kewara oke osimiri ahụ. Ụmụ Izrel kufere nʻala akọrọ.

Mgbe ụmụ Izrel nwere nchekwa nʻakụkụ nke ọzọ nke oke osimiri ahụ, mmiri ahụ gbadatara ma rie ndị agha ahụ. Ụmụ Izrel nweere onwe ha nʻikpeazụ.

Ihuakwụkwọ a na-ete agba

Jizọs Kraịst bilitere n’ọnwụ niihi m.

Ngosịpụta site nʻaka Audrey Day. Enwere ike ịkọpị maka naanị iji eme ihe na Nzukọ nsọ.

Gịnị ka i nwere ike ime iji cheta Jizọs Kraịst na Ista nke a na nʻafọ niile?