Kev Cai Hla Dhau

Mauxes mus ntsib Falaus thiab hais kom nws tso cov tub qhe Ixayees. Falaus tsis kam. Tus Tswv tso tej kev foom phem rau Iyiv teb chaws, tiam sis Falaus tseem tsis kam.

Tus Tswv hais tias Nws yuav tso ib qho kev foom phem ntxiv. Thawj tug me nyuam ntawm txhua tsev neeg hauv Iyiv teb chaws yuav tuag. Tiam sis yog cov neeg Ixayees ua raws li Nws cov lus qhia, txoj kev foom phem yuav hla mus dhau lawv.

Tus Tswv qhia cov neeg Ixayees txi ib tug me nyuam yaj thiab muab tus yaj cov ntshav pleev sab saum lawv tej lub qhov rooj.

Txoj kev foom phem los. Tag nrho cov neeg Iyiv thawj tus me nyuam tuag, suav Falaus tus tub. Tiam sis cov neeg Ixayees thawj cov me nyuam raug dim vim lawv mloog tus Tswv lus.

Falaus qhia Mauxes thiab cov neeg Ixayees tawm ntawm Iyiv Teb mus. Tiam sis Falaus npau taws. Nws thiab nws pab tug rog caum lawv.

Cov neeg Ixayees nyob ntawm tus Dej Hiav Txwv Liab. Thaum lawv pom cov neeg Iyiv tuaj, lawv txawm ntshai. Mauxes hais tias tus Tswv yuav pov hwm lawv.

Mauxes tsa nws tus pas nrig, thiab tus Tswv faib tus dej hiav txwv. Cov neeg Ixayees hla mus saum av nqhuab.

Thaum cov neeg Ixayees twb mus dhau tus dej nyob sab tom ub, cov dej nphau los nyab pab tub rog. Cov neeg Ixayees muaj kev ywj pheej thaum kawg.

Phab Ntawv Tha Xim

Yexus Khetos Sawv Rov Los rau Kuv

Cov duab los ntawm Audrey Day. Tso cai luam ntawv rau kev siv hauv lub Koom Txoos xwb.

Koj yuav ua dab tsi kom thiaj nco qab txog Yexus Khetos lub caij Easter no thiab tag nrho xyoo no?